影片
更多
2012-07-05
767 浏览
想一家人订张枱、舒舒服服食餐生日饭，但系唔想食生冷野、老人家又唔好西餐、我地钟意食的京沪菜最近又食过几次...谂到R爆头，点知老公无意中见到呢间D Openrice食评都几好，于是就订左黎呢度晚饭了！顺德菜其实我极少食，而凤城正正就系好出名的顺德菜馆！套餐价钱其实一D都唔平，可能因为唔系包乳猪就系包鱼翅，呢D菜式始终比较贵！老公同埋佢细佬生日，老爷奶奶请食饭，当然唔想老人家太破费，所以我地都系决定散叫！最先送黎系我一直都好想试的大良炒鲜奶。睇样有D似赛磅蟹，但睇真D就分得出蛋白同奶的质感有所不同。炒鲜奶唔似赛磅蟹咁滑，可能系奶类遇热本身会有D微粒产生。不过佢反而冇赛磅蟹咁油腻，而且加左金华火腿同埋榄仁，食落非常香口～鲜奶比较黏身，有一种齿颊留香的感觉！生菜包同我地之前食过的有D唔同，第一系D生菜都剪好哂做圆形，包起上黎好方便。第二系佢有配D酱汁，吊起D馅料的确系更加好食。生菜包的馅料主要系松子同肉末，老公唔系咁好松子，觉得一般，我就反而几钟意！虾多士系呢度的招牌菜，老公亦系被佢吸引所以话要黎凤城食饭！见D人成日话好快卖哂，我地8点钟一坐低，未人齐就落定order先了！送到上枱，热辣辣又
顺德菜其实我极少食，而凤城正正就系好出名的顺德菜馆！套餐价钱其实一D都唔平，可能因为唔系包乳猪就系包鱼翅，呢D菜式始终比较贵！老公同埋佢细佬生日，老爷奶奶请食饭，当然唔想老人家太破费，所以我地都系决定散叫！
最先送黎系我一直都好想试的大良炒鲜奶。睇样有D似赛磅蟹，但睇真D就分得出蛋白同奶的质感有所不同。炒鲜奶唔似赛磅蟹咁滑，可能系奶类遇热本身会有D微粒产生。不过佢反而冇赛磅蟹咁油腻，而且加左金华火腿同埋榄仁，食落非常香口～鲜奶比较黏身，有一种齿颊留香的感觉！
生菜包同我地之前食过的有D唔同，第一系D生菜都剪好哂做圆形，包起上黎好方便。第二系佢有配D酱汁，吊起D馅料的确系更加好食。
生菜包的馅料主要系松子同肉末，老公唔系咁好松子，觉得一般，我就反而几钟意！
虾多士系呢度的招牌菜，老公亦系被佢吸引所以话要黎凤城食饭！见D人成日话好快卖哂，我地8点钟一坐低，未人齐就落定order先了！送到上枱，热辣辣又香脆，真系正㖞！D虾大只又够脆口，下层多士外脆内软，口感一流！而且一碟有成10只咁多，真系抵食～唔怪之得系凤城名物啦！
桂花炒鱼肚其实唔系好有桂花味，不过清清淡淡得黎口感好丰富，钟意清淡的朋友一定会钟意呢道菜～
我同老公都好钟意食鸡，当然唔少得叫返只炸子鸡啦！不过价钱唔平，我地只叫左半只都要$120！好在食落D皮又真系够哂脆，而且只鸡相当大只，所以都够我地六个人食～如果budget多D，叫哂一只黎食，一定会更滋味呀～
焗西米布甸又系呢度的名物，而且要早一日预订，好在我打电话去时都仲有。我地只系订左个细的($68)，但其实上枱发现都唔细，6个人每人都一大碗啰！
初头我有D担心会好甜，不过食落OK，唔算好甜，可以接受，热辣辣的布甸散发住阵阵莲蓉香味，其他地方未食过呢道甜品，我觉得都几特别呢！
最后仲拎左个Cake1Cake柚子蛋糕出来，同老公两兄弟庆祝生日！呢度唔驶收切饼费，非常好！有D食评话呢度服务麻麻，但当晚可能食客较少啦，侍应态度唔错，会主动斟茶、收碟，上菜又唔驶等好耐。有D比较贵的招牌菜我地都仲未试，不过今次食物质素相当高，感觉几好，我会有兴趣再黎食呢！
题外话/补充资料：
呢度仲有好出名的大蟹钳同埋八宝鸭都要预早一日预订，希望第时有机会同朋友黎再试！
(以上食记乃用户个人意见 , 并不代表OpenRice之观点。)
张贴
