甜甜達人 (已結業)

我地一家都好钟意食糯米糍，呢晚同老婆返完外家，行过商场去搭车时见到，8蚊一粒，$20蚊3粒，36蚊6粒，D24榴梿味需加$4一个，有好多口味选择，黑芝麻、豆腐、芒果、奶皇、绿茶、蓝莓、咖啡、斑兰等，老婆好推介呢间的糯米糍，最后买左6粒返屋企食。我地买左传统的椰丝花生、芒果奶皇、软绵豆腐、斑兰，呢家糯米糍皮较厚，又好软绵绵又烟韧，中间馅的份量都好多下，我最爱传统的椰丝花生，一咬落去已经见到满满椰丝花生; 老婆就最爱软绵豆腐同芒果奶皇。由于每日新鲜制造，最好快D食晒，食唔晒要放雪柜。