好茶養生 (MOKO新世紀廣場) (已結業)

今日陪个待嫁中嘅朋友去MOKO，佢话嚟睇回礼礼物，原来系带我嚟呢间好茶养生。店内果然有好多唔同味道同功效嘅养生茶包，仲有唔同嘅包装，绝对可以用嚟做贺年送礼。呢度仲有小礼物嘅包装出售，可以订嚟做回礼或散水礼物，大方得体又方便。朋友准备落单订回礼礼物之前，我就提议先即场叫返杯养生茶饮吓，顺便试吓要咩味道嘅茶包。餐牌上话呢个「皇牌气血茶」有理气散瘀、暖宫驱寒之效，真系好啱女士饮用。佢嘅成份包括桂圆、红枣、千日红、康仙花、金盏菊、金边玫瑰、黑枸杞，虽然有啲成份就比较陌生，但上网查找过之后就知道全部都系好啱女士补身之用。第一啖饮落有好香嘅玫瑰花味，再加埋桂圆红枣等清甜滋润嘅味道，感觉怡人！我平时都懒自己煲茶焗茶，嚟呢度可以即场叫一杯嚟饮真系好方便！另外想试酸酸味味嘅饮品，所以就拣咗青苹果青柠茶。饮品上面仲有少少泡泡，而青苹果同青柠味味道平均，可以同时饮到青苹果嘅酸甜同青柠嘅清新，感觉好fresh。呢度仲有甜品出售，正所谓「见到美食总是饿」，所以我又忍唔住带两件甜品返屋企。呢个甜品里面系红莓慕丝，中间夹咗一层红莓味啫喱，仲有饼底，酸酸哋几好味。另外仲买咗果漾啫喱蛋糕，主要有士多啤梨同蓝莓做杂果。切