La Postre (荃灣廣場) (已結業)

荃湾广场开左西班牙菜，经过几次都见人头涌涌，最终揾一个闲日的晚上带爸妈一起去试！入去好大、好阔落、啲位好舒服！侍应哥哥好好人！我地叫左洋葱汤、二人份量的西班牙海鲜饭、西班牙猪手、芝士焗蟹饼，本来仲想叫意粉、好彩侍应哥哥话太多了，意粉可以唔够食再叫！母亲大人仲叫水果茶，不过可能少甜，所以味道一般！西班牙海鲜饭上左，好大好吸引，有虾，青口，蚬，鱿鱼....，饭好入味，小小辣（因为叫左小辣），爸妈食得好知味！芝士焗蟹饼好吸引的外表，内面系蛋焗的，热腾腾的，好软绵绵！不过不够入味！猪手黎啦⋯⋯好大碟，配料好多，肉好稔，老爸用假牙都可以好容易咀嚼！好够味！到此已经好饱！好彩冇叫意粉！见到隔离枱的甜品好靓，饱都想试！哗！上枱好靓呀！老妈不禁地好雀跃！即刻攞起义去试—-杂果班㦸，一共有八个小班㦸砌成！上面有一球雪糕，周围摆满水果！热烘烘好脆好味！有多一球雪糕更好！