睿海御宴 (已結業)

睿海御宴系一间新派私房菜，之前听亲友话哩度好食，所以今年做冬就拣左哩度。佢地嘅店面唔算大，分左几张四人枱，大约坐倒三十人倒。佢地嘅小菜都好多款，价钱就同其他新派茶楼差唔多，茗茶$20/位。前菜($25) - 系师傅自己炒嘅蜜糖合桃，甜甜地好香脆。五香鸡卷($88) - 鸡卷比想像中大碟，鸡肉馅外面以炸腐皮包住，中间再加左啲蔬菜令口感更丰富，食时可以蘸甜酸酱食，味道都唔错。黑松露虾仁牛乳炒滑蛋($168) - 炒蛋好重黑松露味，质地比较水润好嫩滑，中间仲有四只大虾，非常新鲜爽口。青柠焗豚肉排($168) - 肉排好嫩腍，带少少青柠酸味，几清新开胃。老干妈海鲜炒饭($228) - 炒饭好够镬气，够干身又唔会太油，入面仲加左啲带子、芥兰同豆豉落去炒，所以食落去咸咸香香咁好惹味。埋单仲有糖水送，系紫米露，唔会太甜，食完好满足。总结，每一道菜式都好有水准，侍应亦会适时换碟，见我地食得慢，就减慢出菜进度，虽然位置吊脚左啲，不过每一方面都令人满意。