無肉食 (堡壘街) (已結業)

闲日放假，专登和朋友两人搭车去到北角站，然后行去保垒街食素菜自助餐，收费只需$68免加一。估唔到晏昼接近两点都仲咁多人食紧，好彩我哋去到啱啱有一张吉枱，餐厅环境好有工业风味，一坐低我就即刻攞嘢食，估唔到$68嘅自助餐都可以有咁多款菜食，仲有饭、炒面、炒粉、煎及蒸嘅糕点、甜品、茶、水、汤等等，完全啱哂喜欢食素菜嘅我，好多菜式都煮得好好味，我个人好欣赏鲜蕃茄煮南瓜豆腐，送饭真系一流，甜品又唔会太甜，最主要好少炸嘢，所以好啱注重健康嘅朋友们食，当日我都算做食得多，但万万都估唔到竟然有位婆婆仲食得多过我，哈哈，所以决定下次一定带埋妈妈去食。总结：好味又抵食，绝对值得推介！千祈唔好要求有太多嘅服务，我个人就好钟意呢种自助形式，个个食完都会自动自觉地收拾好张枱上嘅碗碟，食完才行过去付款，老板又后生，又有善，令人觉得至于地点位置就真系未必个个识去，因为如果坐港铁就啱啱系北角及炮台山两个站嘅中间，如果照住张卡片上嘅地图行，都算易揾嘅。