影片
更多
2018-04-03
3531 浏览
今日都系观塘食晚饭，原来观塘工业区都有一间好好食既素食餐厅，系香港揾一间别有风味既素食系比较难。普通好油腻既传统中式煮法，食过几间已经闻之却步。既然男朋友介绍，咁应该唔会系伏黎既，行左一段路，终于到左目的地。原来系一间佛教素食，第一次去感觉好新鲜，唯独地点有少少山旮旯，夜晚比较难揾。入到去有食堂既感觉，不过一坐底，见到台面既摆设都几新鲜。睇左一阵餐牌，有侍应姐姐讲解今日有咩食，讲解时候都好用心，最后点左以下几样。杂锦寿司定食配乔麦面 上菜既时候，我见到寿司既样真系有一种意想不到既感觉。原来寿司都可以素食，感觉好新鲜。用蕃茄代替三文鱼，食落口好开胃，虽然花纹做唔到三文鱼咁十足，卖相已经好吸引，非常聪明既做法。腌萝卜代替吞鱼系好特别既做法，做到吞拿既深浅鱼纹，我起初以为会比一般平时食开超市既味道。结果令我另眼相看，原来系师傅自己腌制，创意分绝对加分。用烧菠萝代替玉子，基本上呢三款寿司不论做型上，味道上都系相当有创意。三文鱼沙律方面，素食既三文鱼配生菜红萝卜，再加少少醋，味道清新又又开胃，卖相可以几何乱真。最令我有惊喜系冬菇乔麦面，香气可以用味胜易牙形容，汤头系师傅自己用冬菇去煮，而唔系贪
原来系一间佛教素食，第一次去感觉好新鲜，唯独地点有少少山旮旯，夜晚比较难揾。入到去有食堂既感觉，不过一坐底，见到台面既摆设都几新鲜。
睇左一阵餐牌，有侍应姐姐讲解今日有咩食，讲解时候都好用心，最后点左以下几样。
杂锦寿司定食配乔麦面
上菜既时候，我见到寿司既样真系有一种意想不到既感觉。原来寿司都可以素食，感觉好新鲜。用蕃茄代替三文鱼，食落口好开胃，虽然花纹做唔到三文鱼咁十足，卖相已经好吸引，非常聪明既做法。腌萝卜代替吞鱼系好特别既做法，做到吞拿既深浅鱼纹，我起初以为会比一般平时食开超市既味道。结果令我另眼相看，原来系师傅自己腌制，创意分绝对加分。用烧菠萝代替玉子，基本上呢三款寿司不论做型上，味道上都系相当有创意。三文鱼沙律方面，素食既三文鱼配生菜红萝卜，再加少少醋，味道清新又又开胃，卖相可以几何乱真。
最令我有惊喜系冬菇乔麦面，香气可以用味胜易牙形容，汤头系师傅自己用冬菇去煮，而唔系贪一时之快，用粉开出黎。清淡既冬菇汤再加冬菇片，冬菇片味道相当浓烈，乔麦面爽口，整体绝对睇到师傅相当用心去煮。
鲜果藜麦沙律
藜麦以奇异果，蕃茄，菠萝，蓝莓混合，再配柚子醋混合，上菜卖相睇得出唔系炒埋一碟，有舖排。不过由于水果方面都有一定既果酸味，再加柚子醋会酸左少少，不过最令我开心既事系，餐厅既侍应会好直接提问意见。仲会听我意见比少少厨师试食，等佢知道明白碟沙律酸既程度，呢点未必好多餐厅做到，绝对值得我再去。
芝士焗大菇伴小米
卖相方面绝对系一流，有用对比色去突出大菇，食既时候睇到师傅系焗冬菇方面系高水准，因为大冬菇一浸过水，再舖满杂菜，而且再用芝士舖面，当咁高水份既食材去焗，焗太快会令到大菇唔熟，仲会系切既时候出一堆水。但系呢对大菇冇发生呢个情况，食落口既时候，大菇仲热热地，芝士仲可以做到拉丝既效果。味道好浓烈芝士味，爽脆既杂菜，爽滑大菇，三重味觉刺激。绝对推荐大家不妨试下，而小米都系偏酸，希望下次有改进。
鲜淮山豆浆烩饭
二人份量，卖相起初我以为系带子，放入口原来系淮山，第一次食煎淮山，卖相与煎法跟带子无异，脆口味甜。碎蕃茄有开胃之效，令我赞不绝口系个豆浆味道，简直可以同卡邦尼几何乱真，但系比卡邦尼汁健康好多，我食左好耐都唔知原来系豆浆，要问番侍应姐姐先知道原来系豆浆。最后个意大利饭肯定到师傅煮烩饭系高水准，因为烩饭系一边加水一煮搅拌煮，太少水会煮得好硬，太多水会令到烩饭变汤饭，饭会冇左咬劲。而呢个烩饭煮得恰到好处，饭比豆浆汁包住。大家一定要试下。
鲜茄香草竹筒粉
新鲜蕃茄代替传统罐头茄肉，味道出众更食到蕃茄酸甜味，香草系台湾煮三杯鸡用既九层塔，味道好刺激。又酸又辣令我一啖又一啖咁食，相当开胃，再配翠肉瓜配竹筒粉，可见师傅都会照顾大家既眼睛既享受。唔会全红色单调既颜色，味道爽脆。竹筒粉由于空心，中心位会装到汁，味道更加一流。
整理而言，侍应既殷勤既服务，再加厨师既高超既煮艺，虽然系有少少菜式失左少少水准，但系都情有可原，因为素食煮法，食材选择限制枉枉比非素食多好多，同埋都好考厨师既创意，呢一间餐厅绝对系符合一流水平，最值得加分系侍应姐姐当我我女朋友食完一道菜式，都会要求我地意见，呢一点正正现今好多餐厅要学习既地方，达到精益求精。所以下次我一定会再去，因为好食既素食餐厅非常少！
张贴
