影片
更多
2021-09-05
91 浏览
呢排成日俾呢间泰国餐厅暴风洗版，我又未食过曼谷火车夜市嘅网红火山排骨，决定同朋友一试。Milu Thai位于铜锣湾耀华街百乐中心，成栋都系餐厅。餐厅以涂鸦风为主题，充满活力。一坐低见每一枱都有火山排骨，当然我地都有嗌啦，期待 ！🐷 火山排骨一上枱真系吓亲，比想像中仲要大份，超巨型，够4个人食。 有3至4旧大骨，砌成一座小山，加上青辣椒芫荽蒜头柠檬叶酱汁，好惹味。肉质几腍，唔算难拆，餐厅有提供胶手套，唔怕整污糟而且用手食更有风味。筋位软嫩，又有骨胶质，层次丰富够香口，绝对会再食。🍛 咖哩三重奏 (配蒜蓉包)除左招牌火山排骨，呢个咖哩三重奏都值得一试。上枱嘅时候店员会放个烛台热住个咖喱，一个锅分左三格有三种咖哩，包括青咖喱、红咖喱同马沙文咖喱，啱晒有选择困难症嘅人。每格都配上唔同嘅海鲜，青咖喱系三种入面最辣，不过都唔算辣，配上厚肉软壳蟹，好味。红咖喱有虾、青口同带子，唔会辣，海鲜都几足料。而马沙文咖喱就重椰香同埋有少少甜，配上炸鱼块、扇贝同薯仔。仲有蒜蓉包粒粒点咖喱。我地另外嗌咗个薄饼，同想像好唔同，系酥皮唔系软身的。🥗柚子鲜虾沙律因为太多肉嘅关系，要咗柚子鲜虾沙律。鲜虾份量唔少，弹牙爽口
🐷 火山排骨
一上枱真系吓亲，比想像中仲要大份，超巨型，够4个人食。 有3至4旧大骨，砌成一座小山，加上青辣椒芫荽蒜头柠檬叶酱汁，好惹味。肉质几腍，唔算难拆，餐厅有提供胶手套，唔怕整污糟而且用手食更有风味。筋位软嫩，又有骨胶质，层次丰富够香口，绝对会再食。
火山排骨
16 浏览
0 赞好
0 留言
除左招牌火山排骨，呢个咖哩三重奏都值得一试。上枱嘅时候店员会放个烛台热住个咖喱，一个锅分左三格有三种咖哩，包括青咖喱、红咖喱同马沙文咖喱，啱晒有选择困难症嘅人。
每格都配上唔同嘅海鲜，青咖喱系三种入面最辣，不过都唔算辣，配上厚肉软壳蟹，好味。红咖喱有虾、青口同带子，唔会辣，海鲜都几足料。而马沙文咖喱就重椰香同埋有少少甜，配上炸鱼块、扇贝同薯仔。仲有蒜蓉包粒粒点咖喱。我地另外嗌咗个薄饼，同想像好唔同，系酥皮唔系软身的。
🥗柚子鲜虾沙律
因为太多肉嘅关系，要咗柚子鲜虾沙律。鲜虾份量唔少，弹牙爽口，柚子清甜多汁，无苦涩味，酸酸甜甜够开胃。仲有搭配腰果，香口。
🥬马拉盏炒椰菜苗菜有4种 – 椰菜苗、通菜、芥兰同杂菜，而煮法都有4种 – 蒜蓉、马拉盏、飞天同清炒。因为椰菜苗唔系成日有得卖，比较少食，一于试吓马拉盏整法。椰菜苗新鲜翠绿，口感爽脆，带点微辣，炒得够镬气。
张贴
