闔府統請

营业中

休息中

天寒地冻梗系食番个羊腩煲啦，估唔到呢度既羊腩煲都唔错！平时嗌小菜套餐，蒸肉饼，回锅肉等等都做得几好。羊腩煲羊腩皮仲有少少咬口，肉松软淋，个汁都几挂羹，佢唔系炆到极淋散晒果只，系要你煲佢一阵先再软淋果种，我觉得师傅做得几好，而且羊腩份量唔少，枝竹，冬菇，笋等等都有返咁上下，就咁食成煲羊腩好浓味，送饭比较识合。之后试过买两煲返屋企打边炉，5个人加少少火锅料都够食；唔系赞到佢好好食果只，但系我觉得性价比高。茄子牛仔骨煲牛仔骨走油得岩岩好，唔会太干身，腌得都算可以，都食到少少松肉粉果浸除，但唔算过份，都几过份……人地果d就茄子多……呢度就一半一半咁济，你睇张相就明，上到枱香喷喷，又吸引又好味！！附近除左几间连锁茶餐厅之外都冇太多选择，呢间小菜做得算唔错。隔离有另一间茶餐厅，但衞生环境及味道相对比较差。