滬江飯店

营业中

休息中

沪江饭店虽然位于地窖，但仍然人气不减，上次去系父亲节前夕，全场满座，我地要到第二轮时段先有位，好彩嘅系第二轮唔会限时限刻，而且质素都不错，食完重有优惠券，所以又去左第二次😋今晚叫左镇江肴肉、一碗酸辣汤、小笼包半条松子鱼同埋炸银丝卷。镇江肴肉晶莹剔透，切成小小条，好精致，而且份量好多，肉质层层分明，沾上镇江醋酸酸的好开胃；小笼包皮薄馅靓，夹起来唔会一夹即破，汤包嘅汤够鲜味，不会咸，肉馅大小适中，连食2粒都不会腻；酸辣汤好特别，佢嘅色水不是深色，反而比出面嘅浅色，但辣度劲高，好辣呀🤣木耳笋丝豆腐都切成头发丝咁幼细，好考功夫；松子鱼一流，炸到骨皮都脆晒，可以全部食晒落肚，甜酸汁出色，好明显系自家调校，味道温和而够酸够甜，好正；最后叫多个炸银丝卷，好香馒头面粉味，真系一层层一丝丝嘅银丝卷，外皮炸得好香脆，唯一系油左啲。