今晚來來雞煲火鍋料理 (已易手)

呢间餐厅系经陀地介绍既,本人非常之喜欢食辣同食鸡,所以决定信佢地去呢间辣鸡煲试下!入到入边,好香既四川辣味扑鼻而黎,已经预左成身辣鸡味会跟你返屋企,下次建议大家揾野盖一盖先...一坐低,侍应好迅速咁问我地需唔需要落个辣鸡煲先,我地3个女仔,心谂应该半只就够,但侍应建议我地叫一只,咁就信下佢啦,半只$118,一只$188,餐牌仲有其它配菜比你拣,我地叫左冻豆腐,皇帝菜,白萝卜,雪花肥牛!趁d野未上就叫住小食咬下先,餐牌上都有好多选择,有小炒,凉拌同四川麻辣野,叫左个麻辣鸭舌同凉拌豆干配白肉,麻辣鸭舌略嫌唔够辣,但本人非常喜欢o个种酸宿味(不过我d朋友顶唔顺就话好宿),凉拌豆干配白肉好入味,豆干好爽,白肉半肥半瘦好好味!食饱小食,主菜辣鸡煲上台喇,我地叫左个中辣,单睇卖相红红既汤成阵香味扑鼻而黎,真系o系呢一刻好想order个白饭捞汁,但系惊食唔晒最后都无,之后已急不及待要即刻夹旧鸡黎试,哗!鸡胸肉都可以咁滑,但略嫌开头唔够辣,食食下越黎越入味,当辣到顶唔顺既时候侍应会帮你加返d唔辣既汤,咁又可以盖下d辣味重新再战过,原本以为3个女仔会食唔晒只鸡,点知最后竟然一件不留,萝卜一早已经放晒落去