今晚來來雞煲火鍋料理 (已易手)

出到銅記本身同一大廈食放題,見樓下個牙姐老推介,,,去到點個所謂半隻雞煲10舊都冇全部雞翼尖,雞翼V位,雞肉完全似煲完湯拎出黎冇味..另外送4粒帶子全部拎出黎仲結冰,,只可以講服務幾快,,

所有的東西都很難食！好失望！唔會再次幫襯🔫安格斯牛肉粒、手切牛肉、花蝦有雪藏味！龍𧄌好唔新鮮！好多野都無貨！聖子好多沙！芝士雞煲d芝士好淡味啊！食的好唔開心😕

星期六,有節目,唱完K,雞煲去放假唔休息下,皆因實在太想爭取時間去玩下放鬆下,同家姐K歌左4小時,又係醫肚既時候,身為香港人,當然鍾意打邊邊,同埋食雞煲啦!宜家D雞煲開到成行成市,好似7仔咁,拱有一間係左近!由於聚埋一齊想吹吹水,所以搵間唔限時既,唔限時當然唔會係任食啦!星期六怕無位,所以一早book定位,係樓下亦都好有香港既特色,就係好多張宣傳單張係你眼前飛黎飛去,好多舖頭名係你耳邊左穿右插咁,不過大家唔好意思啦,我地選定左了!通常book左位食野,係樓下都會搵下個間舖頭既宣傳單張睇下,原來佢都有優惠,只要你攞住張宣傳單張,然後係員工面前打咭兼讚好佢間野就送你象拔蚌.坐低揀野食啦,佢都有好多唔同款式既雞煲揀,有芝士雞煲,雞蟹煲,豬什雞煲...當然我地係揀左最普遍既重慶雞煲($198一隻雞)啦,因為家姐唔係咁食得辣,所以叫左微辣,等左5分鐘倒,個煲黎啦,撻火開蓋,哇...油浸雞煲???見到個浸油已經減左一半食慾,叫雞煲個陣同一時間都叫左少少野食,呢排同家姐都愛上食乜滑勿滑,所以叫左個墨魚滑($48),日本黑豚肉($78)同美國安格斯牛柳粒($138),選擇唔算多,所以都唔係咁揀得落手,

7:30Walk in 去左銅鑼灣來來，明明成場得2張檯都話full booking, refer 我去天后分店，仲話free的士錢同全單九折。去到成間鋪得2檯客，我地哎左一個麻辣雞煲小辣，加少少火鍋配料同白飯，雞大概10分鐘就唻左啦，配料等左25分鐘先唻，白飯、薯粉最後成大半個鐘先到整齊。呢度明明係賣麻辣雞煲，唔知點解上左個雞煲係沙爹味，仲甜甜地，落多一碟辣椒粉都無味，d雞完全唔入味、唔香、唔惹味。$138安格斯肥牛約有10塊，如果d肉靚，價錢唔係問題，但d肉色好明顯唔新鮮，淥一淥，仲鞋到爆。。。四寶丸$58，每樣得2粒，又細粒，求其一堆野pat落個碟，的呢度唔係酒店上菜唔可以要求有美感，但起碼整整齊齊丫。個菜籃$68，d菜黃嘅，又有沙，水都無沖過，不知所謂。食到一半先放碟花生落唻，收返每位前菜加醬料$12，咁即係和返搭的士條數。根本無著數之餘，仲要食垃圾。唔好話天后店唔會再唻，銅鑼灣店都唔會再去！唔止比唔上小甜甜，連傷心酸辣粉都好食過佢。

2個人係銅鑼灣唔係食咩好，友人提議雞煲，就去左呢間，因為佢之前食過話ok，所以決定食呢間。張枱太細，叫多幾樣野都唔係好擺得落。有大、中、小、微辣揀，我地叫左微辣同半隻雞，成個湯底淨係得辣味，就無其他味d雞無味，其他餸又無味，焗住要叫豉油同要沙嗲醬！*沙嗲醬係要收12蚊！個豉油係一d咸味都無架姐係要焗俾錢嗌佢地既醬料囉！2個人埋單$5xx ，我覺得好唔抵囉，感覺上淨係識收錢，收錢同收錢...呢個價錢，我可以有更好既選擇囉呢餐食得好不愉快，我未食過個雞煲個湯底係無味囉。

團購$98 幾個人食真係抵😋服務態度👍要預先訂好位. 團購98蚊可當200蚊用 但只限食物.一直都食開呢間. 所以水準都唔差. 以前價亦有食過其他分店.（天后）但最後都覺得銅鑼灣分店最正👍👍而且唔一定食雞煲！仲可以食魚鍋，鴨煲等等⋯

周五晚上，和朋友到來這間上樓的辣雞煲店一試，預先留了座七點半入座，九點半要交枱店內環境不過不失，我們分到的六人卡座還算闊落但我看到走道旁的二人座位，人來人往的，如果我們是坐在那裡，感覺還蠻差的！一行五人，本來是想打雞煲火鍋，然後當中又有些人不太肚餓，本來想點半隻雞煲，但侍應卻好像覺得我們五個人才點半隻很少，一直說三四人就已經會選全隻了…ok，被勸說下我們換點了全隻…惹味重慶雞煲 - 全隻($188 +10 %, 另, 半隻$128)不麻不辣，雞肉鞋口沒什麼味道…芫茜不香，湯底也不惹味，找不到好吃的部份…一、點、都、不、好、吃！乾鍋肥腸($78 +10%)這個的味道就比較像樣！肥腸腸味濃郁，辣椒大蔥等配料也炒得惹味，肥腸肥瘦度適中，不會過肥過瘦水煮白鱔($138 +10%)鱔肉不肥美，味道也不鮮美，配合這個水煮口味，一點都不好吃…鱔肉份量也不多，只有八件…倒是裡面的芽菜配料吃起來還不錯重慶薯粉($30 +10%)煮了很久都還是很韌的薯粉，而且不管煮多久，薯粉還是粘在一起，味道也不怎麼樣…以不惹味好吃的重慶雞煲為湯底來煮，煮出來也不會變得更好吃…腰果肉丁($58 + 10%)我還沒吃過這麼

果日同男朋友想食雞煲,冇BOOK位上到去要等到成11:00.於是我地第2日先食.佢D坐位幾闊, 2個人比左張4人台, 好正^^叫左個小辣的雞煲,老闆娘建議...佢話吾食得辣就呢個..不過我覺得可以選微辣...最尾誤食左隻紫天椒..辣到喊((((我地要左鴨舌..原來我想食鴨腎,,,其實都幾好味,幾辣呀不過仲要左沙拉骨,勁多漿...好RICH..好肥.....不過D肉都幾好味..不太UN..OK LA下次可以選多D配料,放入個煲果度,入味DD

晚上11點9先去到.入面還有很多人.叫左一個小辣雞煲.仲有王老吉.2個人食真係好飽!環境尚算舒適,岩岩坐底個陣會覺得冷氣好凍,但一有野食就岩岩好!唔會食到出汗.抽氣功能更是一流.食完唔會成身雞味.雞煲個湯底濃厚,小小辣味令雞味提升.雞本身更是一絕,唔會散,又唔會因為煮得耐而變成石頭.再加罐王老吉......嘆呀!

Dinner at 來來@cwb等了大半個鐘鷄煲乾左d, 唔夠辣其他菜又好油環境一般

原本同朋友入元朗食雞煲,因為睇電影睇到太晏,所以就出左銅鑼灣食喇!一出"車立"就聞到好香既味!真係好香咁我地就行過去同個經理講2位,但係個經理話宜家未有位.要我地等大約3張枱,大約9點半就位(戈陣8點半)佢就叫我地行一陣街先,但係我同朋友都唔想行.就坐左係出邊,過左大約5分鐘,個經理出黎問我地可唔可以10點鐘比到枱佢地,我同朋友話可以.咁經理就安排我地入去坐喇!一坐低就有個男仔行埋黎同我地講,洗唔洗落左個雞煲先,因為要整大約20分鐘,我同朋友就叫左半隻(小辣).因為驚1隻唔夠食,之後叫左一個水煮魚(鯇魚) - 夠辣!!好滑煮得!!可惜太多骨!不過下邊d芽菜吸哂d汁都好食夫妻肺片(小辣) - 太鹹喇!唔係咁好食雞煲半隻(小辣) - 一黎到就好香!!同埋好夠味!熱到我同朋友個咀係咁呵呵聲,煮耐小小食佢d洋蔥,超好食!!其實佢個汁真係唔錯!我朋友仲專登叫左個白飯送汁tim!!之後唔經唔覺半隻雞就食哂喇!但係仲未夠候!我建議如果專登黎食雞煲既可以叫一隻!咁我同朋友就係火鍋料度叫多半隻雞!黎到我同朋友就即刻sir哂落去!但係好可惜,唔夠味如果煮耐d比時間佢,應該夠味因為趕住比枱人,所以就打包d野

今日六點幾黎呢度食雞煲本來都覺得ok嘅，但之後叫左碟豬紅黎打邊爐，放落去時聞唔到有味，一撈上來。。咁大陣尿味嘅?!?同個waiter講，佢收左碟嘢同話幫我地cancel左佢但我地發現成個煲都好臭好大陣味於是問下可唔可以換左個煲跟住有個疑似經理嘅男人走埋黎話碟嘢無問題咁你又收左佢?!?! 仲話自己剛剛食過無問題囉。。你生食豬紅架???? 仲問我地想點呢個問題應該唔係你問架嘛?! 最後換左個無味湯俾我地，已經無心情食，咁就用左四百幾蚊無下次!

呢間餐廳係經陀地介紹既,本人非常之喜歡食辣同食雞,所以決定信佢地去呢間辣雞煲試下!入到入邊,好香既四川辣味撲鼻而黎,已經預左成身辣雞味會跟你返屋企,下次建議大家搵野蓋一蓋先...一坐低,侍應好迅速咁問我地需唔需要落個辣雞煲先,我地3個女仔,心諗應該半隻就夠,但侍應建議我地叫一隻,咁就信下佢啦,半隻$118,一隻$188,餐牌仲有其它配菜比你揀,我地叫左凍豆腐,皇帝菜,白蘿蔔,雪花肥牛!趁d野未上就叫住小食咬下先,餐牌上都有好多選擇,有小炒,涼拌同四川麻辣野,叫左個麻辣鴨舌同涼拌豆干配白肉,麻辣鴨舌略嫌唔夠辣,但本人非常喜歡o個種酸宿味(不過我d朋友頂唔順就話好宿),涼拌豆干配白肉好入味,豆干好爽,白肉半肥半瘦好好味!食飽小食,主菜辣雞煲上檯喇,我地叫左個中辣,單睇賣相紅紅既湯成陣香味撲鼻而黎,真係o係呢一刻好想order個白飯撈汁,但係驚食唔晒最後都無,之後已急不及待要即刻夾舊雞黎試,嘩!雞胸肉都可以咁滑,但略嫌開頭唔夠辣,食食下越黎越入味,當辣到頂唔順既時候侍應會幫你加返d唔辣既湯,咁又可以蓋下d辣味重新再戰過,原本以為3個女仔會食唔曬隻雞,點知最後竟然一件不留,蘿蔔一早已經放晒落去

銅鑼灣好多野都食過，朋友話一齊試來來重慶雞煲，六個人咁就上左去主打雞煲，叫左一隻去試，少辣，個湯底OK既，但隻雞好「UN」... 超急凍雞...蒜泥白肉，個肉真係好白... 淡而無味 。有少少奇怪，個蒜泥白肉係唔辣既，個醬唔知係乜.. 豆板醬咁，個蒜蓉又係淡既...食過「譚仔哥哥」既蒜泥白肉，去到呢度你會好失望...胡椒豬肚湯，一送黎有專人分湯，感覺服務好好，但... 原來一大碗胡椒豬肚湯，係分唔到六小碗...佢分到最後得返五小碗半...豬肚湯淡而無味，但又勁多胡椒... 飲落去感覺到水，同埋麻既感覺，佢應該改名「胡椒豬水」雙椒鵝腸，呢個係全晚最好食既餸因為鵝腸夠薄，所以只要炒一炒，廚師唔好太過份，鵝腸已經有味，好食 見到重慶菜既餐廳有沖繩啤酒，好似唔match，但照試好似無乜特別，飲左一罐就飲返可樂雞煲個湯底可以打邊爐，有一堆餸可以選既，叫左烏冬同米粉食其他打邊爐既餸都唔平。六個人最後埋單，每人$120

四個女仔想去打邊爐，本來想去正冬的，但見到最近的食評好似一般，所以便改去來來試下甫去到，見到坐位頗為迫狹，張枱好細，第一印象即時扣分，建議大家最好預先訂卡位，因為比較闊落安頓好後，先叫個雞煲，侍應堅持我們四個人要一隻雞，因為隻雞唔係好大，好啦，即管信佢，結果係......食唔哂㗎，所以如果女仔唔係好大食又唔係特別鍾意食雞的話，半隻就可以了，留肚試下其它嘢嘛；個雞煲嚟到，好香，面頭好多莞茜，個朋友好鍾意食莞茜，所以超讚！如果食得辣嘅朋友記得叫中辣或大辣，因為個煲唔係好辣㗎咋另外仲有：鮮肉韮菜餃拼鮮蝦雲吞，餃同雲吞都好大隻，饀料新鮮，唔錯三寶丸：墨魚丸,黑椒牛丸,香菇貢丸，啲丸好實，唔夠彈牙，可以唔試田雞件：隻田雞好大隻，好多肉，不過$78兩隻，有啲貴囉美國大帶子拼珊瑚蚌：帶子其實唔係好大隻，但都算新鮮甜美，珊瑚蚌都幾爽口，值得一試午餐肉：個人打邊爐鍾意食午餐肉，呢度啲午餐肉切到好厚身，睇得出唔係cheap cheap 貨，好味白鱔片：朋友介紹話好好味，我就覺得一般喇其它還有：田園雜菜,鮮腐竹,蘿蔔,蕃茄，大致都無咩驚喜，可以不試返到屋企，先發覺成身都一噚味，連個袋都係，成個星期先散，提議