明興石磨腸粉

营业中

休息中

几次都太晏经过，铺头已经关门，无机会试到。今次难得见到有开门，立即去买嚟食。🥢招牌肠粉第一次食当然要试招牌经典口味，肠粉入面有肉碎、蛋、菜、葱及菜圃。肠粉系即叫即整，记得要预留多啲时间等。肠粉同酱汁分开装，自己调较咸度，因为我钟意多汁，所以倒哂落去😆 不过就算我倒哂都唔会觉得好咸👍🏻肠粉虽然皱皮但入口香滑，肉碎份量都算多，加埋其他配料就非常丰富，我最钟意有菜圃，食落会多啲口感。见到铺头整咗个排行榜，列出头三位最多人叫嘅肠粉款式，谂唔到拣边款都可以参考下。