金仔米缐

营业中

休息中

香港食米线嘅地方好多，我老公超钟意呢间金仔米线，一个礼拜最少去食两至三次。呢间金仔喺禾𪨶，以前陈根记大排档的位置，地方阔落，坐得非常舒服。今次去我同老公都嗌咗胡椒猪肚鸡米线，我哋钟意佢够重胡椒味，够辣、唔错。因为太饿了，小食方面嗌咗个蒜泥白肉、川味皮蛋同埋酥炸鸡软骨。味道方面，三个小食都叫做不过不失，OK啦！餐厅夜晚仲有烤鱼同鸡煲，都有几多捧场客。我哋去𠮶晚就有几台年青人，睇佢哋似乎都食得几开心，餐牌上价钱亦都唔贵，如果揸车嚟仲可以泊喺隔离嘅禾𪨶商场（食够$200可以泊三个钟），十分方便，嚟开呢度可以考虑喺度开餐。