鮮入圍煮花膠雞海鮮火鍋

营业中

休息中

刚刚开学，趁假期去食大餐，小朋友最钟意打边炉，今晚又去啦😂今次拣尖沙咀鲜入围煮，因为朋友食过花胶鸡煲，话推介，我都黎试试先。我地必食花胶鸡煲，好多花胶，多到泻…..另外只鸡好肥美，一黎到卖相同香喷喷既㶽，已经睇到流口水🤤汤底浅黄色，有香浓鸡味。滚起左，职员提一提，可以先饮汤。个汤真系超正，饮落有小小黏口，系花胶既骨胶原，仲有只肥鸡，滚住唔会出哂油，油份控制刚刚好，香浓而不咸，真材实料，净饮汤都抵。跟住我哋叫咗牛骨汁浓汤牛丸，牛味浓，弹牙有口感，唔似出边街好多粉咁。脆肉鲩鱼腩骨，好爽口，只系多骨，好彩啲骨都好长，小朋友食都无问题。白萝卜，打边炉必食，一早放落去滚，中尾段攞返上嚟食，又淋又索晒汤味，每次打边我都会叫。蛏子皇，新鲜弹牙，我小朋友话今餐最正系佢。和牛牛展肉，每片薄薄地，放落滚水即熟，香牛味，唔会痴牙。原条野生竹笙㖞，从未食过咁大条竹笙，口感好特别，爽爽哋，又索晒浓汤。炸鱼皮，好大碟，唔好咁迟先食，因为太多其他食物，我迟咗食，有点淋。我哋仲叫两杯特饮，一杯巨峰提子梳打，一杯蜜桃特饮，虽然杯中有冰，只系觉得唔够冰冰冻。总括：花胶鸡煲必食，食物新鲜，职员态度良好，一定会再黎😋😋Yum