Cocolo Tokyo Cake Factory (利東街)

营业中

休息中

夏日热辣辣唔想行出街，所以如果搭地铁都会行隧道出口，前几日行过湾仔利东街地底嘅时候见到一间甜品店，见到有呢个日式甜品心喐喐就入咗去，舖面虽小但五脏俱全，有蛋糕亦都有批，而且都有两个位畀客人坐低喺度食，喺门口见到佢嘅标牌写住系招牌系日式青森苹果批($33)所以就嗌咗一个嚟试，除此之外都嗌咗一个梳乎厘芝士蛋糕($25)，见佢都有唔同嘅嘢饮有波子汽水或者都有咖啡，不过就谂住都系食甜品就算，先讲梳乎厘芝士蛋糕，冻冰冰嘅浓郁芝士配上软淋淋海绵蛋糕，甜度适中，确实系消暑良品。然后试一试佢嘅青森苹果批，佢哋放喺一个电热炉入面保温，所以食嘅时候都唔会变得冻冰冰，呢个批嘅酥皮层次好分明，而且好脆口，脆到有唔少碎碎都跌咗落自己件衫度，酥皮表面都系甜甜地，去到戏肉就系佢嘅青森苹果肉，当中苹果嘅唔会太甜，而且亦都有酸酸味味，食到真正苹果味，苹果亦有爽甜口感，所以食完个批之后唔会觉得好肥腻，除咗入面有青森苹果肉之外亦都有吉士酱，浓密嘅口感可以加分，三样嘢加埋都唔会觉得好肥腻，下次再去嘅时候会食下其他嘅蛋糕。