Italian Tomato Café (MOSTown新港城中心) (已搬遷) 新店位置

平时行过Italian Tomato，见到蛋糕都好吸引，不过价钱略贵，唔系太舍得食。刚见到近排做夏之感谢祭优惠，＄188可以拣五件＄45或以下嘅蛋糕， 又几抵㖞。五件蛋糕一齐放，靓靓。拣左两件期间限定嘅茉香桃脆，蛋糕底系朱古力味仲有朱古力忌廉，带少少焦糖脆脆，上面有白桃乳酪慕斯，仲有两片白桃，非常之清甜。蓝莓芝士挞外型好吸引，挞底几结实，加埋吉士忌廉、蓝莓忌廉，仲有好多粒大大粒嘅盖莓，粒粒都好甜。皇牌士多啤梨糕外型好靓，忌廉打得好奶滑，蛋糕清甜，可惜士多啤梨略酸，一般啦。最后系芒果慕丝蛋糕，慕丝中间仲加左芒果酱，酸酸甜甜不错。第一次试呢四款蛋糕，三十几蚊一件系几抵嘅，不过想食嘅款式都拣晒，试一次就算了。