影片
更多
2021-05-26
567 浏览
近呢一年疫情虽然有好多食肆执笠，但亦都有食肆可能因为铺租平咗而开店。我本身住筲箕湾，近排先发现原来东大街前身嘅太爷鸡，原来已经静悄悄变咗一间点心专门店：笼太子点心专门店。所以就决定今晚饮返个夜茶。晚上两个人又唔想食太多淀粉，于是就决定叫五个点心加一个蒸饭：分别系鲜竹牛肉，药膳鸡脚，鸡扎，灌汤饺，仲有店员推介嘅皮蛋牛肉肠同埋期间限定嘅帆立贝笼仔荷叶饭。所有点心都系即叫即蒸，不过等嘅时间都唔算耐，十零分钟就开始陆续上枱。能够食到热辣辣嘅点心，等十零分钟绝对值得。首先上枱系皮蛋牛肉肠，肠粉皮唔算好薄，不过就好滑同埋有米香，牛肉肠里面有皮蛋碎，组合都算几特别，仲有芫荽嘅香味，食落有新鲜感。药膳鸡脚份量唔多，但药材味超浓，感觉好似好补身。鲜竹牛肉就稳打稳札，加埋喼汁味道超夹。鸡扎都做得唔错，火腿够大条，鸡件亦都够滑，调味适中。瑶柱灌汤饺就中规中矩啦，话哂都系收你廿零蚊，饺子皮都冇穿，不过就用大量嘅汤浸住，所以都食唔出里面算唔算多肉汁，但整体味道都唔错。最后食嘅系帆立贝笼仔荷叶饭，亦系全晚最贵嘅item，差唔多$50，但无论饭嘅份量同帆立贝都算交足功课。饭本身轻轻炒过，有蒜蓉香，所以唔需要落豉油都
晚上两个人又唔想食太多淀粉，于是就决定叫五个点心加一个蒸饭：分别系鲜竹牛肉，药膳鸡脚，鸡扎，灌汤饺，仲有店员推介嘅皮蛋牛肉肠同埋期间限定嘅帆立贝笼仔荷叶饭。
所有点心都系即叫即蒸，不过等嘅时间都唔算耐，十零分钟就开始陆续上枱。能够食到热辣辣嘅点心，等十零分钟绝对值得。
首先上枱系皮蛋牛肉肠，肠粉皮唔算好薄，不过就好滑同埋有米香，牛肉肠里面有皮蛋碎，组合都算几特别，仲有芫荽嘅香味，食落有新鲜感。
药膳鸡脚份量唔多，但药材味超浓，感觉好似好补身。
鲜竹牛肉就稳打稳札，加埋喼汁味道超夹。
鸡扎都做得唔错，火腿够大条，鸡件亦都够滑，调味适中。
瑶柱灌汤饺就中规中矩啦，话哂都系收你廿零蚊，饺子皮都冇穿，不过就用大量嘅汤浸住，所以都食唔出里面算唔算多肉汁，但整体味道都唔错。
最后食嘅系帆立贝笼仔荷叶饭，亦系全晚最贵嘅item，差唔多$50，但无论饭嘅份量同帆立贝都算交足功课。饭本身轻轻炒过，有蒜蓉香，所以唔需要落豉油都够味，饭亦炒得干身，用荷叶包住，上枱闻到淡淡荷叶香，帆立贝应该之前都煮淋咗，所以入口松软，配饭食整体感觉唔错，呢个价钱都可以接受。
最后值得一提嘅就系每张枱面上都有嘅辣椒油，初头以为系一般嘅辣椒油，但经侍应介绍过之后，原来系用虾米同虾干碎炒香再加辣椒，而虾干虾米碎应该之前有炸过，所以食落脆卜卜，又香口，而辣度适中，配大部份食物都好夹。
自家制辣椒油
5 浏览
0 赞好
0 留言
虽然第一次试但整体感觉都好满意。佢开得喺东大街，应该都系主要做街坊生意，希望佢keep到水准啦，咁我就会一直继续帮衬。
张贴
