味真越 (已易手) 新餐厅

南港岛线都开左一段时间都未搭过，今日难得黎利东呢头探朋友，都想周围睇下有咩好食。「味真越」为于利东站出口既鸭脷洲大街，附近多为住宅，似做街坊生意，价钱亦都非常平民。青木瓜沙律：份量比想像中多，蔬菜非常新鲜，食落好爽口。酸辣无骨凤爪：无骨既凤爪最适合懒吐骨既我地，入口酸酸地，非常开胃，不过就一d都唔辣。虾饼：虾饼虾肉好有鲜味，入口唔会好油，配埋自家制既酱汁，酸酸甜甜，非常好味。猪肉串：卖相同我想像中有少少差别，无论卖相定系味道都好似德国肠，配埋自家制既酱汁，真系令人食到停唔到口。香茅猪扒捞檬：猪扒煎得够金黄，亦都好有香茅味，加入生菜同甘笋丝，捞埋花生碎同自家制既汁，真系份外好味。每人配上一杯特式饮品，为我们既晚餐划上句号。