囍八方 (奕蔭街)

营业中

休息中

我除了是卡邦尼控同生牛肉河控之外，我仲系一名西洋菜猪肉汤饺控。只要间店有做西洋菜猪肉饺都一定会试。要遇到汤及饺都好食的店并不容易。一系西洋菜苦，一系个汤太重胡椒粉味，再唔系就系个汤太浮夸太多料，妹仔太过主人婆，盖过晒水饺的味道。但呢间真心好食！好食在于西洋菜有西洋菜味又唔会苦，饺皮薄。鱼汤好味但味道温和唔会盖过汤饺既味道，而且唔会死重胡椒味，亦唔觉有味精，饮埋汤都唔会觉口渴。唯二缺点是舖细，要坐高脚椅，对于我呢d短脚人就坐得唔太舒服。同埋匙同筷子都系即弃形式，我唔太喜欢。但店员有礼有效率，又可以加返d分。