囍八方 (奕蔭街)

营业中

休息中

開心找到這間小店，當茶餐廳全部又油又鹹，正斗又貴，想喺跑馬地食comfort food 很難。這小店很驚喜，前菜手拍青瓜加滷水蛋用心造，豆漿新鮮唔太甜。主角手包餃子，款款用心選料，西洋菜餃我特愛，配豬骨湯底，加好多蔥同芫荽，食完好暖同舒服。我點了套餐有八款唔同餃子，有鮮蝦，有馬蹄，有西洋菜。性價比很高，前菜加餃子加豆漿$80有找。這個價錢吃千般一律的日本拉麵也要。唯一坐的地方少，是高吧枱高椅。我平時在家也包上海雲吞，都要讃這裏餃子有家的味道。我很少寫食評，但也為它寫了因為想多啲人幫襯可以長期在跑馬地扎根，我可以繼續幫襯到。

住喺跑馬地嘅姨甥女做左小手術，就過去陪佢幾日⋯⋯試左跑馬地老字號粥麵店，成75蚊碗粥或麵，貴到嚇親又食唔飽⋯⋯經過見到呢間餃子店，起初仲以為係某牌子連鎖店。姨甥女係常客，話呢間係獨立小店，我就試下買外賣。三餸先60鬆啲，有好多款餸、湯底同粉麵可以揀。麵同湯分開非常好！我要左菠菜餃、春卷、豬軟骨，跟准山麵同骨膠原魚湯。三樣款都好食，湯飲完唔口渴，准山麵就清淡D。姨甥女要左鮮蝦、嫰雞、菜心，跟粗麵，本來話冇胃口嘅佢，全部食清！原來跑馬地都唔係冇平靚正嘅嘢食架！

Delicious dumplings! We passed by and decided to have a quick lunch here. It was prepared fresh the soup taste so good. No MSG aftertaste. The coriander and pork dumplings are awesome!I also told all of my friends and family about this place

今日因為工作關係，去左跑馬地，工作完，當然係去搵食啦行行下見到哩間舖頭，有我鍾意既餃子食，所以入去試吓叫左個二餸麵豬軟骨粟米香菇豬肉餃美顏骨膠鮮魚湯兩個餸都好食，湯都好鮮甜👍👍~西洋菜豬肉煎餃煎得好香👍👍~芹菜豬肉餃都係好好食👍🏻👍🏻

依間店舖主打煎餃同湯餃第一次食依間鋪頭， 店員姐姐推介波菜鮮蝦餃，再加淮山麵（好小有鋪頭有淮山麵）。餃子餡好豐富，蝦仁好彈牙，配上波菜好健康，外皮好薄，好味😋湯底有股魚味，平時好怕腥既我，覺得一啲都唔腥，又唔油，可以飲曬叫左煎栗米香菇鮮豬肉餃都好好食，煎到個皮小小脆，帶有陣陣香菇味，肉質鮮甜。如果叫套餐會包括小菜同滷水蛋，涼拌青瓜都好好味，酸酸辣辣好開胃，配埋豆漿一流。依間係跑馬地其中一個健康既好選擇。

無意中發現呢間小店，專賣餃子，裡面座位不多，午飯時間全店滿座，買外賣走，老闆話等十分鐘，我行一圈返去未夠十分鐘已經有得攞，效率幾高。西洋菜豬肉煎餃 10隻 $79餃子大大隻，好足料！即叫即煎，熱辣辣，餃子皮香脆可口，內餡都好美味。骨膠原魚湯西洋菜豬肉餃子 8隻 $58湯餃子一樣咁好食，鮮魚湯鮮甜美味，不會太鹹，仲有條菜心，有驚喜。其實煎餃湯餃都咁好味，不過湯餃感覺無咁熱氣，又有啖湯飲下，所以我終於湯餃多啲。另外一提，店家的辣菜脯好惹味，就算外賣，佢都有自動俾左兩盒辣菜脯 & 醋，非常貼心。

我今次係叫外賣的，點知拎到番屋企先見到佢落漏左個麵，於是就得幾粒餃子做晚餐，心心不忿下打電話去同佢講，佢話會送番上黎，我就甘等左一陣之後，佢居然打電話番黎話太忙吾送上黎，仲話係我無落個麵，十分差勁嘅職員，仲要補一句話：甘你就當我落漏囉！非常之甘嬲，吾會再幫襯佢！

這幾天經常要來到養和醫院打躉。每天中午也只求其去一間舖頭隨便吃飽便算。今天經過這間舖頭，便入去試一試。舖頭面積略少，所以多數客人買外賣。餐牌有很多種類的餃子，我選擇了西洋菜餃。第一啖吃落去，果然有驚喜。餃子皮非常薄也很滑, 西洋菜味很濃，非常高質素餃子。湯是鮮魚湯，湯裏有加西芹粒芫荽及蔥，非常甜美。我把整碗湯也喝完，事後也不覺口乾。臨走前我同收錢姐姐說很好吃，她說煎餃也一樣出色。在這幾天出入醫院探望的日子，給了我一點兒樂趣！

我除了是卡邦尼控同生牛肉河控之外，我仲係一名西洋菜豬肉湯餃控。只要間店有做西洋菜豬肉餃都一定會試。要遇到湯及餃都好食的店並不容易。一係西洋菜苦，一係個湯太重胡椒粉味，再唔係就係個湯太浮誇太多料，妹仔太過主人婆，蓋過晒水餃的味道。但呢間真心好食！好食在於西洋菜有西洋菜味又唔會苦，餃皮薄。魚湯好味但味道溫和唔會蓋過湯餃既味道，而且唔會死重胡椒味，亦唔覺有味精，飲埋湯都唔會覺口渴。唯二缺點是舖細，要坐高腳椅，對於我呢d短腳人就坐得唔太舒服。同埋匙同筷子都係即棄形式，我唔太喜歡。但店員有禮有效率，又可以加返d分。

是日跑馬地搵食，周圍都係中產cafe，想食平d得XX冰室，唔想食茶餐廳嘢，於是堅持行多陣搵d平民價錢嘅特別嘢，又比我搵到間50幾蚊食得飽的餐廳！呢間個名有八方，好容易聯想到有餃子😆叫咗個三餸麵，叫法似車仔麵，麵底揀咗最養生嘅淮山麵，餸揀曬餃（招牌菜嘛～）淮山麵幼滑易入口，質感比較軟，有d滑生生似鹼水麵咁，好順喉，係淮山天然質感，個人幾鍾意，最仲要淮山好養胃，養生之選啊哈哈差d唔記得講主角水餃，韭菜餃 菠菜餃 鮮蝦小雲吞全部都皮薄餡靚，餐牌上好多款餃都係素食，適合養生愛美一族意外發現餐枱上菜圃幾好食，微辣脆book book買咗樽菜圃返屋企食

作為一個餃子迷，我超級喜歡吃餃子。知道跑馬地有一間新嘅餃子店，所以就經過試吓。呢間餃子店喺上環同埋深水埗都有分店今次叫咗韭菜湯餃湯底幾唔錯，唔會太鹹，味道啱啱好。餃子皮薄餡都幾足幾好食。我好鍾意加埋個菜脯一齊食，個菜譜辣辣地，一流另外叫咗西洋菜煎餃，同樣地都整得好出色。一樣皮薄餡足。好食好食，會再嚟！我個人就比較鍾意湯餃多啲～

🐎 I’m so happy this little cart noodle shop transformed into a dumpling chain restaurant instead in Happy Valley (which is pretty much my second home), and also the fried dumpling are just sooooo goood!.🥟 As a dumpling lover, I generally prefer them boiled over being fried, but the fried dumplings here are fried golden brown and crisp, but at the same time does not feel greasy or oily at all. Mouthwatering!.🥟 Another uniqueness about this place is that the fried and boiled dumpling are wrapped c

A new restaurant opened in my neighbourhood. 囍八方 (English name: Hei Baat Fong) is originally from Sham Shui Po and later expanded to Sheung Wan and now my little hood of Happy Valley. The shop is very tiny and mostly geared for take away. Though there are a small number of bar style seats available if you want to dine in. Menu is in English and Chinese.  They offer a variety of dumplings along with raw ones for to cook at home. They also offer sets as well.I decided to have take away. As it was