Season Plus (已結業)

今日去咗上环区度做嘢 做咗成日好热好攰 所以就同朋友一齐入去呢间season plus𠮶度食饭 可能我哋早到嘅关系 所以入到去都冇乜人 但系就感受到餐厅嘅高级气氛 又有啲油画挂喺个墙身 非常之有格调吉列大虾 炸得外脆内软 炸粉就唔太厚 我觉得都几正之后就叫咗个生蚝拼盘 有精选生蚝 法国生蚝同埋南非生蚝 法国生蚝最大只 有差唔多成只手板咁长 好厚肉亦都富有海水味 南非生蚝就稍为淡咗少少 但系都好新鲜爽口 精选生蚝就最经济抵食烤焗海鲜拼盘 好丰富 有波士顿龙虾 大虾 扇贝等等 全部都好新鲜 龙虾都用上好浓沃嘅芝士摆落去焗 食得好开胃 啲海鲜都焗得好脆口 十分正羊西冷 牛西冷就食得多 羊架都食得多 但系羊西冷就真系好少食 呢个西冷肉味好浓 肉汁丰富 又唔太苏 我本身好钟意食羊 非常之满足 朋友本身唔多食羊都食咗几嚿 一致好评