影片
更多
2017-08-27
82 浏览
住九龙既朋友又山长水远黎元朗探我，咁我当然要带佢食好东西😂。朋友特别钟意食西餐，元朗出名既西餐厅有好多，我地最后拣咗友缘西餐，贪地点方便。我之前已经都试过呢间餐厅，印象不错，所以今次都再带朋友试下。我地book咗8点钟，到达餐厅时，侍应马上就安排我地坐低同简单介绍是日晚餐，好有效率。有别于上一次用餐的感觉，今次身旁的客人大都轻声细语，成个气氛马上浪漫不少。虽然就快到粮尾😭，但都想食好少少，我地分别拣咗美国顶级安格斯牛扒同珍宝带子黑松露意大利饭。另外，我地仲on top用优惠价加咗一份法式田螺同黑毛猪串沙律。净系谂已经可以想像到我地今晚既晚餐系有几丰富。首先到既系餐汤同餐包，今次既餐包真系好有惊喜。我记得我上一次黎系金黄色的蒜蓉包，但今次已经换成牛角包，又够热又够香。另外餐汤系热到出烟，omg 呢个小小既细节已经令我好有惊喜亦都令我对主菜更加期待。侍应见我地已经完成咗餐汤，就适时将法式田螺酥皮盒同黑毛猪串沙律送上。呢两个小食都系好够热，全部都系即叫即焗既烧。首先呢件小小既酥皮盒入面，系有两粒好厚肉既田螺。配上芝士同酥皮一同进食，浓浓既香气在口中久久不散。而厨师亦早已将黑毛猪肉切成一口大小
虽然就快到粮尾😭，但都想食好少少，我地分别拣咗美国顶级安格斯牛扒同珍宝带子黑松露意大利饭。另外，我地仲on top用优惠价加咗一份法式田螺同黑毛猪串沙律。净系谂已经可以想像到我地今晚既晚餐系有几丰富。
首先到既系餐汤同餐包，今次既餐包真系好有惊喜。我记得我上一次黎系金黄色的蒜蓉包，但今次已经换成牛角包，又够热又够香。另外餐汤系热到出烟，omg 呢个小小既细节已经令我好有惊喜亦都令我对主菜更加期待。
侍应见我地已经完成咗餐汤，就适时将法式田螺酥皮盒同黑毛猪串沙律送上。呢两个小食都系好够热，全部都系即叫即焗既烧。首先呢件小小既酥皮盒入面，系有两粒好厚肉既田螺。配上芝士同酥皮一同进食，浓浓既香气在口中久久不散。
而厨师亦早已将黑毛猪肉切成一口大小，进食时非常干净企理。猪肉完全不过烧得过老，食落有大量肉汁，非常juicy。沙律伴菜很新鲜，挂在蔬菜上的酱汁亦非常醒胃，如果再冻d就更好。
转眼餐前小食又完成，侍应就顺势将餐碟收走，为我们送上主菜。两份主菜的摆盘很精致，好似艺术品咁。而意大利饭又系热到出烟，好正。
安格斯牛扒我们要了七成熟，所以当我们将肉切开时，里头的肉不单是嫩嫩的粉红色，大量肉汁好似瀑布咁涌出黎，食落口肉味浓郁。另一方面，厨师将牛扒煎到好香好香，未食已经香味四溢。再食落口，浓重既肉味强烈冲击我既嗅觉同味觉神经😂。
顶级安格斯肉眼扒
$238
9 浏览
0 赞好
0 留言
就我个人喜好，我钟意食海鲜多于肉类，朋友就相反，系食肉兽。所以，我对呢个意大利饭系一见倾心😍。珍宝带子好大粒好鲜甜，犹如刺身级别的质素。意大利饭很软糯，厨师再加入青瓜粒同菇菌一齐去煮，口感一流而且唔会好腻，好正。
黑松露珍宝带子意大利饭
$158
4 浏览
0 赞好
0 留言
最后食埋甜品 - 石板街蛋糕同蓝莓芝士蛋糕，25蚊一件真系好抵食，而且好好味！系我落甜品既时候，店员仲主动问我地有无庆祝纪念日，可以安排写上特别既字句系碟上，好细心。
我地食咗咁多野都系大约食咗600蚊左右，系一个咁舒服既环境，服务又好，食物整体质素又好好，绝对值回票价。
张贴
