文記海鮮飯店

营业中

休息中

朋友带路，一齐去文记海鲜饭店食晚饭。先叫一个小炒王，炒起出嚟香喷喷热辣辣，咸肉好入味，啲菜炒得绿悠悠，色香味俱全，真系好够镬气。朋友话嚟得呢度一定要叫个羊腩煲， 讲真我唔系咁识得欣赏羊腩嘅，因为怕阵羊骚味，但系冇理由因为我而令到成班朋友冇得食， 所以于事都叫咗嚟食，我勉勉强强咁食咗件, 哈哈，我又接受到㖞，羊肉劲入味之余，仲一啲都唔骚，而且又淋又好赵口，食咗几条支竹，哗好味道呢，真系好味道，夸啦啦冇得弹。跟住整多碟生炒骨，镬气真系够劲呀，肉够脆口够味又够香，之但系就酸咗少少，不过算啦 都已经系好好味好够水准。