安南 (利園) (已搬遷) 新店位置

早两个礼拜同朋友去咗铜锣湾食越南菜，𠮶间餐厅叫安南，我都系第一次去食，朋友订枱嘅。去到𠮶间餐厅环境好优美装修好别致，又环境宁静，啱晒我哋三个女仔倾计，我哋三个都唔系大食，所以都系叫咗几样送啦，首先上枱嘅就系一个蚬汤，睇个汤睇落好清，估唔到好鲜甜好好味，我仲饮咗三大碗添，咁前菜就叫咗个椒盐螳螂虾啦，未试过，个名又特别，咁就试吓，食落个味道其实一啲都唔似虾㗎，佢似鱼肉多啲嘅，无虾嘅弹牙的感觉，但系都好鲜嫩味道有刚刚好，只系食唔出虾嘅感觉，而鸡串烧味道不过不失，都不错嘅，我哋仲叫咗个炒粉丝，个炒粉丝都相当好味，佢一啲都唔油腻，好清爽好入味，感觉好清新咁。最后我哋女仔当然都会叫甜品啦，咁就叫咗个斑斓椰汁糕，佢一啲都唔甜好烟韧，味道好清新，我觉得好好食，另外仲叫咗个黑糯米西米布甸，可能我哋已经食饱左啦，所以就觉得个布甸比较浓郁，食多两啖就滞左，但系味道相当不错。我比较少食越南菜，但呢间都相当不错，可以值得再去一试。