河內越式料理 (村南道)

营业中

休息中

好多时放工都会买外卖返屋企食，好多次买外卖返到屋企都会流晒，啲盒都会有汤有汁。今次好想赞下呢个内河越式料理，包得好好之余酱料都好齐备。我地叫左生牛肉汤河粉，本身都好怕返到黎啲河粉唔好食，但竟然唔会之余个汤底仲好好味，啲牛肉都几多同埋系好味嘅，而河内越式三宝饭，有猪扒、鸡翼同埋札肉，好多送，猪扒同鸡都即炸好香脆，份量都好多好够食，顺化牛肉蛋饭，食佢牛肉好入味好淋，配埋饭真系好一流，仲有我最爱嘅青木瓜沙酱，佢个汁好啱好啱我口味，唔会太辣又够酸，而且仲好大盒好多，重点系个青木瓜好新鲜好新鲜，劲正，再加左个小食越食猪颈肉，佢烧得好香，盒野一打开就闻到烧肉嘅味道，今次屋企个个都话我拣嘅呢间餐厅正，每样野都睇到佢用心做。