影片
更多
2016-03-20
214 浏览
平时我都会自己o系屋企整辣年糕，听人讲铜锣湾开咗呢间专门食炒年糕o既舖头，今次就试试佢。一入门口就有几位 oppa 带你入座，（好似每间韩国菜餐厅都会有韩仔驻场咁，哈哈），好有礼貌。 呢度系跟人数去叫年糕o既，我地两个人，oppa 叫我地拣两款年糕，我地要咗海鲜同烤肉，面就拣咗韩式粉丝（我觉得咁应该最入味），配料第一round 要咗猪肉饺子、鱼饼同芝士。个锅好快到， 啲汤红当当但唔算辣，甜甜地，好易入口，忍唔住一开始就饮咗好多！ 海鲜有青口同鱿鱼，烤肉就系平时啲韩式烤牛肉。要赞下啲年糕，够烟韧，唔系啲 cheap cheap 年糕一口粉。 鱼饼都似韩国味道，韩式粉丝果然不负我所望吸收晒啲汤o既精华！唯独烤肉味有少少啖 （唔通我太重口味？！）。啲汤开头饮同最尾饮会有唔同风味，开头啲芝士味溶，清甜啲；芝士溶咗之后啲汤变得好浓郁！好邪恶但好正！食道半路忍唔住加咗午餐肉同紫菜卷，都唔错，午餐肉系用返韩式午餐肉，唔会太肥同太咸。食到7788, 个芝士炒饭黎啦。原个煎pan上，好香，有饭焦食！！ 食埋呢个饭，够晒饱！两个人食咗咁多嘢，又加做两杯可乐同一支水，埋单都唔使$400，铜锣湾韩嘢黎讲，算o
平时我都会自己o系屋企整辣年糕，听人讲铜锣湾开咗呢间专门食炒年糕o既舖头，今次就试试佢。一入门口就有几位 oppa 带你入座，（好似每间韩国菜餐厅都会有韩仔驻场咁，哈哈），好有礼貌。 呢度系跟人数去叫年糕o既，我地两个人，oppa 叫我地拣两款年糕，我地要咗海鲜同烤肉，面就拣咗韩式粉丝（我觉得咁应该最入味），配料第一round 要咗猪肉饺子、鱼饼同芝士。
个锅好快到， 啲汤红当当但唔算辣，甜甜地，好易入口，忍唔住一开始就饮咗好多！ 海鲜有青口同鱿鱼，烤肉就系平时啲韩式烤牛肉。
要赞下啲年糕，够烟韧，唔系啲 cheap cheap 年糕一口粉。 鱼饼都似韩国味道，韩式粉丝果然不负我所望吸收晒啲汤o既精华！唯独烤肉味有少少啖 （唔通我太重口味？！）。啲汤开头饮同最尾饮会有唔同风味，开头啲芝士味溶，清甜啲；芝士溶咗之后啲汤变得好浓郁！好邪恶但好正！
食道半路忍唔住加咗午餐肉同紫菜卷，都唔错，午餐肉系用返韩式午餐肉，唔会太肥同太咸。食到7788, 个芝士炒饭黎啦。原个煎pan上，好香，有饭焦食！！ 食埋呢个饭，够晒饱！
两个人食咗咁多嘢，又加做两杯可乐同一支水，埋单都唔使$400，铜锣湾韩嘢黎讲，算ok 抵食啦。
P.S. 可乐自动俾柠檬同冰另外上，好贴心～
张贴
