十二味 (D2 Place TWO)

营业中

休息中

今晚喺屋企招呼朋友，大家都钟意浓味嘅食物，于是就去咗附近嘅川菜馆买外卖！呢度有好抵食嘅晚市套餐，不过我哋就觉得干锅更加吸引～干窝可以自己选择配料，我哋拣咗午餐肉、猪肠、腐竹、猪颈肉和鱼蛋，真系好丰富嘅组合！腐竹吸味一流，好好味；午餐肉煎香咗，味道都唔错，不过少少咸送饭一流。各款配料份量都好多，五个𩠌已经好大兜！！葱油拌面都系必食推介，酱汁味道浓郁，葱香扑鼻，轻轻松松就食晒一份😂小笼包同平时食上海𠮶啲小笼包唔一样，皮比较厚，肉馅比较浓味，一盒有六只真系好抵。最后，食碗冰粉作为甜点。滑嘟嘟的冰粉充满桂花香味，食完浓味食物正好解一解，食完身心都凉快！