捌拾胡同 (已結業)

琴日系尖沙咀行街，行完cotton on,一出后门，就见到有两间小食店，一间就系传统个啲食肉蛋烧卖（我已经食到怕），咁另一间就系食串烧，门面细细但俾人感觉系干净。门口有两个坐位，已经俾人坐左，所以我都系企系度食。我几钟意个坐位，令到成个感觉好日本feel.讲番野食，我同朋友岩放工，有少少肚饿，就嗌左两串鸡串，一个麻辣味，一个烧汁味，两个都劲香劲野味！（两串夹埋$22）仲有个茄子！最好味系个茄子！烧出来仲系紫色！唔系黄色梅梅烂烂个样～劲考功夫！加上个味粉，超好味！$15！其实点解菜系贵过肉类呢？我唔明。不过唔使明啦！好食就得。