永合成餐廳餅店 (已搬遷) 新店位置

今日黎左依到,系朋友带我黎既!当然由佢话事食咩,首先佢就叫左一个大家都非常钟意食既萝卜糕!好快就黎到,煎得非常靓既萝卜糕,卖相够哂吸引,,但系一夹既时候就发生奇怪既事,软到夹唔起点算好呢,唯有慢慢夹喇,不过佢个表面煎得非常香而且都脆,个萝卜糕入口即溶,唔太有咬口,萝卜丝就比较少,食落唔太够萝卜香,不过腊肠就反而有多少少,整体味道都算唔错既,之后就系依个即叫即做既煲仔饭,当然要耐心等待下佢,一个又一个咁经过,咁样等真系辛苦,经过咁辛苦既时间两个煲仔终于黎到,第一个系依个窝蛋牛肉饭,仲有生鸡蛋既煲仔饭,正,好可惜佢一开始偷走左最重要既煲盖,不过都唔5太影响既,好可惜就系无饭焦,不过就可以食哂所以饭咁,之后再加埋蛋落依个白饭到,成个变得比较软滑,再少少豉油已经够哂好食,牛肉碎粒有好香既牛肉鲜味,粒粒牛肉都几有咬口, 虽然等得耐,但系值得既。