百味堂 (已結業)

因为见到Facebook报导话百味堂喺希慎开pop up store，作为铜锣湾扮工一族嘅我，食完lunch梗系同饭脚们去试试，点半左右去到，唔洗排队太好啦。原先想叫黑牛试试，但唔知点解无，于是叫左铜锣湾限定嘅阿萨姆奶茶雪糕，饭脚就叫左朱古力牛奶雪糕，等左几分钟就有得食，从透明杯身见到系几靓嘅，一层雪糕一层奶茶，屎屎型雪糕面用柠檬片碎碎点缀，用黎呃like一流，不过影左几张相雪糕已经开始「流汗」，要快啲食先得。先试试净雪糕，质地超重冰感，比霜淇淋冰感更重，但奶味超浓郁，而且香甜，唔错，再试雪糕加柠檬皮，味道几清新几得意，不过其实个人觉得唔加都得。再试试混合左奶茶嘅雪糕，超好味，即使雪糕奶味浓郁，仍然食到好分明嘅茶味，食一啖就好似饮左啖香浓奶茶咁，身为港式奶茶控嘅我非常满意。不过个雪糕真系好快溶，我地一直喺希慎入面食，无离开过冷气地方，食到最后竟然有1/3杯奶茶饮，不过溶左之后饮好似仲好味。个人黎讲比较喜欢creamy 啲嘅雪糕，如果雪糕用返多啲奶黎整应该会更加好食!另外，就系价钱比起其他铜锣湾出名嘅雪糕店黎讲都算贵，不过胜在佢都几多味拣，pop up store完结之前会再黎试其他味!