小巷弄

营业中

休息中

今日去呢个商场嘅超市扫货 行完都差唔多晚饭时间唔想煮饭 决定买埋外卖先一次过搭的士返屋企 呢间餐厅嘅午餐竟然做到六点（只限星期一至五）同埋个下午茶餐都几抵食所以我哋就决定拣呢间佢个下午茶餐可以拣一款主食连埋饮品 然后就可以加配小食我哋就拣咗呢个小巷弄卤肉饭再加咗卤水大肠 另外由于想试下佢嘅牛肉面所以我哋就嗌咗一个午餐 会连埋饮品首先嚟嘅就系卤水大肠 炆得好够淋好入味 食落去好香 佢未去到完全淋晒系会有少少弹牙嘅口感 但绝唔系韧个种 好食卤肉饭分量都唔少虽然佢系下午茶仲有配埋只卤蛋 卤肉呢样嘢真系好啱我食 不过我略嫌佢嘅卤肉较未够肥 不过呢啲都系个人喜好 其实佢嘅味道好唔错至于牛肉面, 餐厅好好将啲汤同面分开 唔会淋晒，汤底真系非常浓郁 但唔会好腻 牛肉煮嘅时间啱啱好 够晒嫩 份量十足 面嘅质感口感唔错 配埋啲葱同萝卜有淡淡嘅清香味 好食饮品要左杯桂圆红枣茶同台式奶茶 女仕们饮呢个桂圆红枣当然系好有益健康 另外个台式奶茶 茶底质素比唔少台式饮品店高 够浓够香 跟餐有埋真系抵