Gochi (已結業)

星期六同呀妈去咗久违嘅乐富，因为我中小学读书都系附近。我妈好耐无嚟过，成个乐富变哂样😳。我哋去咗新开嘅「Gochi」食午餐，如果喺商场入面揾呢间餐厅可能就有啲难度，因为佢喺外围，好近地铁站，出闸行过去巴士站𠮶边就会见到。餐厅环境好舒适，面积好大，有两层(同时亦有两个出入口)，上层有大玻璃窗，所以透过天然光，令到内在好光猛。适逢过咗圣诞无耐🎄，餐厅仍有圣诞装饰，令我感觉特别开心。带位嘅店员有礼，又会问我哋餐厅易唔易揾😁。坐耐冇耐，店员就送上开水同餐牌。周末都有提供午市套餐🍽，大部份都系$138，个别项目要再加钱。价钱方面中矩中举啦，不过午餐选择颇多的，亦涵盖唔同款式。是日餐汤系南瓜汤🎃，味道普通，因为略嫌稀咗啲。🥖伴旁有两片法国面包，店员细心问道我哋要牛油定黑醋油。题外话，前菜唔要汤可以要沙律。辣肉肠芝士薄饼🍕，Pizza超大个，难度这是一人份吗？？？我妈话觉得起码有12吋，我认为就算冇，都唔少过10吋。薄饼咁大个，餐厅应该要将佢一分为八嘛🤣。薄饼连边皮都意外地松软，唔会硬到食净条边。如果薄饼边无咁㶶就更好，虽然而家都唔算好㶶。辣肉肠咸香十足，个人认为好过西班牙火腿，最原始就系最好食😋。