點鍋

营业中

休息中

喺旺角打边边，呢间系商场入面，唔驶排长龙搭电梯，好方便。坐低之后望向头顶，原来系玻璃天花，加上枱与枱之间有足够空位，空间感十足，唔会好迫咁。叫咗虫草花鸡/黑松露杂菌做鸳鸯锅底。放生嘢之前分别试吓两个汤底，都好饮👍。海鲜并盘同埋牛颈脊喺免费送嘅，卖相都唔错！再叫左其他肉类，黑毛猪🐷腩片、牛🐂肉片、羊🐑肉片等等，至啱心水嘅系啲肉唔会有好多白色嘅肥膏脂肪含量，可以啖啖肉又唔怕太过肥腻。饺子喺呢度自己包嘅，所以又叫啲嚟食，有鱼🐟皮饺、韮菜饺、黑松露虾🦐蟹饺、芝士紫菜虾🦐蟹饺、鲜虾水饺🥟，入口食到馅料十足，又唔会好咸好多味精咁。另外想推介呢个金沙咸蛋🥚炸鱼皮，够脆够香，就咁食又得，浸左汤底之后食都得！