悅火 (已結業)

老婆一直都话好想试吓呢一间餐厅，贪佢又有串烧又有刺身，一入到去，环境空间都几大，炉头同客人嘅座位有一定嘅距离，不怕油烟味。前菜非常有诚意，除咗有四点之外更加有鲍鱼。鸭胸、八爪鱼、日本粒贝、玉子蛋糕摆放得整齐，鲍鱼另上，食出鲜甜。刺身方面有帆立贝、池鱼、䲠鱼，再一次突显诚意（并唔系用三文鱼敷衍了事）刺身都几新鲜，原汁原味，钟意佢加上咗青柠片，味道更加清新！串烧方面，师傅即点即烧，够哂滋香美味。有牛舌，猪腩肉，鸡肉等等，啖啖肉，鲜嫩可口。仲有秋葵，蕃茄仔同日本紫薯仔。炸物仲有天妇罗嘅出场，分别系大虾天妇罗同番薯天妇罗。师傅炸得好香口，但唔会太油腻。最后一定要有米饭落肚嘅我，仲有一碗海胆鹅肝炒饭添，炒饭镬气十足，鹅肝嘅油脂香亦都带到米饭之内，食完非常之满足。