Thai Fire

响官塘返工都知，工业邨嚟讲，官塘算多好嘢食，王子大厦9楼嘅Thai Fire绝对系其中一间。之前食过1次午餐，觉得环境、服务同味道都好满意，今晚同2个同事嚟试吓晚餐。泰式无骨凤爪（$88）。凤爪经过独特嘅香料腌制，入味得嚟唔会过酸、过辣，系一道好出色嘅前菜。泰式酱香蹄膀（$388）酱汁渗透哂入蹄膀肉里面，每一啖都充满泰式风味。呢个猪蹄份量好足，好适合朋友聚会分享。香辣泰火酱鸡粒炒饭（$118）米饭粒粒分明，材料好丰富，特别系鸡肉粒份量颇多，少少香辣嘅味道令呢个炒饭更惹味。泰火特 饮（$48）＆ 热带水果茶（$98）泰火特饮卖相吸引，加上可爱熊仔冰块，打卡一流。热带水果茶融合咗新鲜的西柚、柠檬和百香果等，果味浓郁，清新可口，一大渣啱哂几个朋友分享。