紅磡冰室 (已結業)

今日冇带饭，于是同同事喺公司附近睇下有乜好食，有同事提议红磡冰室，但系行到门口见到 排长龙 ，有同事怕排队，谂住食另一间，但见入面有一大班人走，于是就决定排队等一等。大家记住呢间红磡冰室喺午饭时候经常系要排队等位的，可能因为d嘢食好味，份量足够，怪性价比高。入正题，佢每一日都有一个指定嘅套餐，如果套餐唔啱你食，你可以拣餐牌另外一啲指定嘅特餐。今日我就点咗个猪扒捞面，呢个猪扒捞面块猪扒非常之大块， 外有小脆，有口感，唔会嚡，十分好食，好欣赏佢喺咁旺的情况都可以保持水准，除此之外，呢个捞面套餐仲有蒜蓉多士，呢块多士，外面脆入面系软同热的， 可见水吧师傅对烘多士嘅时间非常执著认真， 除此之外佢杯奶茶成日都可以保持一级嘅水准 ，咁嘅套餐都系收46蚊，佢嘅定价虽然系小小贵，但间餐厅佢畀番晒咁多嘢俾你食，性价比非常之高，建议各位有时间去试一试。