康竜九州拉麵 (已結業)

星期六热热地，原本打算食寿司，但经过此店突然又想食拉面，于是转軚，其实之前已试过呢间店，都觉得几好食的，最钟意佢有得拣面，有幼面、粗面同芝麻面，仲可以拣埋味浓定味淡、油量同配菜 (可以一次要2或3份溏心蛋)。我哋两个人叫左2碗面同2个小食，友人拣「豚肉软骨幼面」，而我就拣左「吉列猪扒粗面」，2个小食 - 「烧鲭鱼」、「七味猪颈肉」。我都有试豚肉软骨，好入味，D软骨都好淋好容易入口，配埋D汤真是一流，至于幼面，朋友话都几爽口几好啦， 但我觉得粗面较为有口感，而吉列猪扒就比我想像中好，外层炸得松脆，但仍保留不少肉汁，点埋个猪扒汁 (有少许梅子酸味) 仲好味，好过配沙律酱；不过我哋最钟意的是猪骨汤底，很鲜味同饮得出猪骨的味道，饮完都唔觉得口渴。本人一向都不好猪颈肉，所以冇吃，但朋友话几好食，几爽口，至于烧鲭鱼外表一般，但就好香口，酱汁好开胃，即得推介。食物方面就很满意，但店内以黑红色为主，环境较暗，枱面较细，差点儿放不下所有食物，舒服程度一般。