吉利日本美食 (已結業)

今次朋友带我黎到依到食夜光贝刺身,同寿司。食完最特别既夜光贝之后，朋友话依到既师傅会根据味道既先后黎上寿司,果然够特别,首先系依个红瓜子班寿司,佢地提醒我地唔洗点野食依个,因为已经有海盐系面，所以唔洗点酱油会鲜味D同正D，色泽真系非常靓，当然系非常之新鲜，入口之后海盐果然带出佢个鲜味,我谂用酱油应该会取代左佢个鲜味。之后就系北海道牡丹虾寿司,依个绝对系北海道产，唔会呃人！平时出面食未必系北海道产，色泽同埋头都会同出面食既唔同，食落系唔同D既,服务都仲真系非常好,之后就系依个呑拿鱼腩蓉寿司,色泽同脂肪既比例非常好，真系好食到无野好讲既依个。之后就系火炙大呑拿鱼腩寿司,依到既呑拿鱼真系唔会差得去边,最后就系比较重味D既九十九岛蚝寿司,D蚝既味够哂鲜甜，加埋依个梅汁做得非常之好，必食。