粵式生香蒸氣海鮮火鍋 (已結業)

同一家大细去厚福街揾食,给一大堆花牌吸引,原来开了一间新的蒸气火锅,抱住一试无妨的心态就上去了,好在六点多,坐一阵已经爆哂,侍应服务态度非常好,一路解释咩食物好,点蒸点计时令到我地一家大乡里都明白,经介绍叫了咸猪骨粥底,食物点了海鲜拼盘,安格斯牛肉,蚬,猪颈肉,花甲,蟹,听靓女侍应话一定要食虫草花蒸鸡;原来粥底系真系用生米即煮,我地仲以为煲好加热添,第一碟先嚟虫草花鸡,蒸几分钟食得,真系唔好讲笑,好够味又滑,配料虫草花杞子都扫清,果然冇介绍错;海鲜拼盘上场,份量好够,侍应话经过几日之后呢个拼盘改咗D食材同份量,原本有桶蚝,因为来货唔稳定所以唔用,费事影响品质,虽然有D失望但又有道理;拼盘有虾、鲍鱼、蟹、元贝、蚬、泥鯭、圣子、花螺,都几够份量,除咗圣子细只咗小小,食落仲好新鲜,海鲜最重要就系新鲜,见到佢地个鱼缸咁多生猛海鲜就放心;安格斯牛肉好重牛味,蒸就有D浪费,不过都系食落肚唔伤肝;花甲鲜甜到我从来未食过咁好食;细佬唔食牛所以点咗猪颈肉,我地已经好饱,细佬话合格;以为食完,靓女侍应话好戏现在上演,你地蒸咗成晚嘅精华要出场,拎起蒸格,半锅粥就在眼前,唔喜欢食粥嘅我谂住应酬食两啖,哗,一食