太興 (已結業)

今日同女同事去到海港城食饭见到人山人海条龙长到电梯口，有个靓仔主任出黎好细心问每位排队客人几多位，我问佢要等几耐啦，佢就同我讲‘食饭时间等候时间会耐少少如果搭枱会快D’，好啦，估唔到唔驶5分钟就入左去餐厅，佢见到枱底边边有纸巾同坐位有两滴水，即刻拎扫把清洁同用纸巾抺干坐位，仲不停讲对唔住&唔好意思起码讲左5,6次，坐低之后仲帮我地落埋单，落单既时候见我朋友有几声咳仲贴心问佢要唔要叫柚子蜜/咸柠水对喉咙好D，入坐已贴心，估唔到连落单都禁细心，禁好既员工一定要好好赞扬，之后送餐又系佢送黎，虽然我见到真系好忙但系佢真系好勤力做野，问佢野又唔会黑口黑面，仲面带笑容禁答我地野，好有耐性好窝心，我同同事食完野埋单啦，丫估唔到佢连收银都做埋，香港地禁勤力既员工真系买少见少，见佢服务做得禁好谂住私底下比贴士佢啦，佢又好谦虚同我地讲‘我地唔可以收客人贴士架，多D黎帮衬就已经系最大支持架喇’尼个员工真系好好。虽然无留意你个名不过你要加油呀有橙色颈带既哥哥，支持你👍🏻👍🏻👍🏻👍🏻👍🏻💪🏻💪🏻💪🏻💪🏻