吉野家 (元朗廣場)

营业中

休息中

呢一日约左朋友去元朗扫食，我地系元朗西铁站等，再转轻铁，搭到去丰年路落车，天气冻冻地，我地就先入商场匿下，暖反个身先。其实元朗呢头都几多小店，好似车仔面啦，大排档，仲有啲西餐小店，不过我哋下午茶唔想食咁饱，都系揾啲快餐店嘅下午茶餐食，份量啱啱好。行吓行吓，咁岩比我见到吉野家，就提议不如食吉野家下午茶啦，朋友都话好记挂住佢个牛肉汁。我哋一人叫一个餐，我叫咗个野菜煎鸡米粉，佢叫咗个牛肉米粉，每人都系$30有找，性价比好高，又够热辣辣，食落去暖胃之余仲暖埋身。