斗斗滋味小廚 (嘉悅) (已結業)

最近约左几个TKO friends 去佢地地头食野，咁啱之前食过一间叫【斗斗—滋味小厨】既餐厅，都算几好食，今次帮我庆生，所以我话事再去呢间食。刚好限聚令放宽左，4人一台啱啱fit晒，仲记得上次食过2道好正既菜 (醉鹅肝同豉油王中虾)，今次系必食推介。去到门口，原来佢地做紧个推广，无论几多人帮衬都有野送，而且人人有份咁话。坐低第一时间点菜；因为醉鹅肝手快有、手慢无。点好晒等上菜之余，原来一人一份的免费菜都唔错㖞，竟然系每人1只醉鲍鱼或半只乳鸽任拣。一向对送既野无乜好大期望，今次完全改观，竟然送既菜式都好正！今晚点了唔算好多野，都系厨师推介金汤酸菜鱼、炒腰花同我最钟意既鹅肝同虾，一轮冲锋之后，所有好野完美到肚，最后都忍唔住叫多2只乳鸽，因为个个都觉得好好食。之后问番餐厅经理，个推广会搞到几时？想带屋企人来试下，但佢话只系搞一个星期。不过会再有推广在中秋节，叫我地提前book定位，话错过左系我地既损失㖞。