味道樂居酒屋 (元州街) (已結業)

Lunch约左朋友仔去长沙湾的味道乐居酒屋聚一聚。餐厅装修以日式复古为主，午市套餐有多款套餐选择，每个套餐除左主食之外，仲包左面豉汤、沙律菜同茶碗蒸。茶碗蒸 – 蛋味好香，口感滑溜软嫩。面豉汤 – 口感顺滑汤汁浓郁，唔会过咸。沙律 – 有生菜、车厘茄、粟米等，新鲜爽脆，够晒开胃。牛油香煎银鳕鱼拼大虾丼- 充满油脂的银鳕鱼啖啖肉，肥美甘甜，肉质细嫩，香味扑鼻；大虾够新鲜，肉质爽口弹牙，煎得好香口。原条炭烧鳗鱼定食 - 原条鳗鱼好大条，烧得好香口，鳗鱼弹牙而且厚肉肥美，鱼油味都几突出完全唔腥，酱汁份量亦啱啱好无盖过鱼味，珍珠米好软熟粒粒分明，配埋滑蛋同酱汁一齐食，口感同味道都好丰富。