居酒屋·姫 (已結業)

之前都同屋企人来过几次，大家都好高评价，所以今日有外国朋友来香港，我当然都选择带佢哋一班来呢到威！尖沙咀站行过去好方便，不用10分钟。结果大家都话好好味！呢晚我地叫做好多野，但我觉得有几样野要特别介绍一下：八代海苔茗荷吞拿鱼腩卷呢个一上枱我已经觉得好得意，有别于一般卷物，呢个外面有d海苔粒粒，令人见到都觉得开心，同时都令口感更加突出。吞拿鱼腩都好新鲜。羊T骨呢个烧得超好食，肉中间仲有少少粉红色，肉质一流！调味都做得好好，超入味。厚切牛舌芯呢个厚度嘅牛舌芯真心好吸引！啖啖口感都好饱满，而且每一件大小都差不多，每件都可以一口食完，豪华嘅享受！