喜來稀肉 (金巴利道)

营业中

休息中

回想起多年前第一次喺香港食韩烧就系系喜来稀肉，之后无论食过几多次边间其他嘅，始终都系觉得第一间最正宗，最好食！今日难得约到朋友喺呢边食饭，佢又想食韩国餐，就决定重游旧地，味道依然好好食，店员态度亦都保持得好friendly！呢到d banchan都系自助形式，每一款泡菜都系自家制，劲好食，仲要系任加，不过大家记住唔好浪费！食得韩烧，最钟意就系佢旁边有两款蒸蛋，一个系芝士，另外𠮶个系泡菜！至于肉我地就要左调味牛排骨，调味得劲好，加埋肉质都劲好食，真系食完一啖又一啖！当然都要叫埋我最钟意嘅嫩豆腐汤，呢度嘅味道超级正宗，完全同韩国食嘅系一模一样！石锅牛肉拌饭热辣辣咁上枱，闻到已经觉得好香，料都好丰富！饮品我朋友今次叫左芒果梳打，佢话几好味，唔会死甜。整体嚟讲，呢度个体验好好，难怪成日都咁多人，仲要屹立不倒咁多年！