簡品堂

营业中

休息中

难得今日经过旺角东地铁站，梗系要买返人气超高嘅fresh fresh！知道最出名嘅就系QQ球同埋糯米糍，我收工之后大概6:45去到，竟然唔使排队，所以两样嘢我都即刻入走咗，唔使排队就有得食到心头好，真系劲开心。钟意呢度嘅糯米糍好Q好软，而且馅料好多。QQ球就唔使多讲啦，无论边只味都一样咁好味。当我正同朋友讲话今日咁好彩唔使排队，朋友竟然同我讲话叫我帮佢买多一盒曲奇礼盒，因为佢话佢屋企小朋友最钟意食，尤其系可以拣杂锦款，样样都可以有几块，真系好抵食，加埋呢种曲奇系佢钟意嘅脆口𠮶只曲奇，所以我又买多一盒。 都要赞吓呢度嘅店员超友善，仲同我推介佢哋最新推出嘅开心果脆糖，结果真系几好食，唔会太甜，但系有好多开心果，真系劲多料。