百味鮮辣蟹專門店 (已搬遷) 新店位置

天气无咁热，食蟹真系岩时候。今次拣左食避风塘炒蟹。因为两个人食，只系叫左两味𩠌，一系避风塘炒蟹（$380），叫小辣，二系金银丝蒸蛏子（$38只）。地方好细，七点左右开始啲人流好多，先黎蒸蛏子，都几鲜，但未算好大只，加埋啲粉丝蒜蓉，真系好食。等左十五分钟，避风塘炒蟹出场啦，我地叫左小辣，先试啲配料已觉得好辣咁款呀，开始有少少担心，但入面唔辣，我唔识佢煮法，我估系炸过，几好食，好大只蟹，啲肉好鲜，呢个时候食好岩，要连啲碎一齐食会更有味道，简直系啖啖肉，个人认为如果啲蟹肉再入味啲会更好。唯一要挑剔系这里地方好细好逼，食碟蟹都好似唔系好够位咁。