百味鮮辣蟹專門店 (已搬遷) 新店位置

對於住新界既我 去到西環食飯真系巧遠 haha不過見親戚咁推介 就去試下na我地因爲人數好多 所以都真系叫咗好多嘢食～我本人都幾鍾意食雲耳 再加上佢個汁酸酸甜甜好開胃 所以作為頭盤小菜我都好推介～菜旁蟹就一般般na 味道不太濃 佢個冬風螺我都幾推介既 價錢唔貴份量都好 個汁都好特別又好味尼個系炸日本豆腐 我見系岀面比較少用既黃色豆腐之後佢配返日本紫菜碎同醬汁 都幾好味～下一道菜必定叫佢個招牌菜冰鎮咕嚕骨一送到枱面真係好靚 晶瑩剔透 仲出晒煙添但係結果比我想像中差了一點可能本身我自己唔係太鍾意食甜野嘅關係。。。所以我覺得佢面嗰啲糖真係太甜na而且非常之癡牙tim佢個櫻花蝦炒飯都幾好味 啲飯夠乾身味道又適中～另外嗰幾款菜式都不過不失na唔係話太差但係都冇乜特別不過我覺得呢度價錢都唔太貴 所以總括依然都OK嘅～

今日同朋友去開港島西摩星嶺嗰邊行山 咁啱有個朋友想試下食新嘢 所以我哋就周圍去搵 搵下搵 就見到有呢間不如試下去食蟹囉首先點左蒜香凍螺 呢個餸好有驚喜因為攞嘅味道喺甜甜嘅醬汁之中非常之相配 而且有香濃嘅蒜頭味令到個螺肉一啲都唔會腥 好開胃乾煎豬仔骨 煎得好乾身亦都非常之香口 配料包括蔥等等令豬仔骨好惹味 我就非常之鍾意食 只係略嫌油分比較多食完可能會覺得好滯避風塘炒蟹 係今晚嘅主菜 我哋叫咗非常之少嘅辣度 所以隻蟹唔會好辣 而且佢用炸蒜去炸 令到個蟹肉非常之有蒜香嘅味道 值得一讚藥膳米酒雞 其實個湯唔係好食得出藥膳嘅味道 反而有少少酒味 雞肉喺個熱湯入面浸得可能太耐比較老身 唔算嫩滑蟹肉扒西蘭花 比較一般西蘭花有少少草青味 而且蟹肉嘅味道唔算突出

呢間近近哋地鐵，食海鮮小菜嘅餐廳睇落好企理，唔似一般路邊檔之前食過lunch，都係啲小菜，今次經過見門口個餐牌啲餸好似都幾啱食，所以就入咗去7點入到去已經好多人食飯，座位都幾闊落，好似都幾啱約客人嚟呢度傾生意嘅感覺坐低首先叫咗普洱茶，然後先睇嘢食餐牌同外面嘅一樣，仲有好多其他嘢揀，但係食海鮮都係想食新鮮嘢，所以就叫咗個凍螺，蟶子皇同炸豆腐份凍螺份量都幾多，面頭個幾隻特別大粒好多肉，下面個啲都好大而且浸滿豉油汁，帶蒜頭香螺肉乾淨冇沙，新鮮螺味唔會霉，彈牙得嚟幾有咬口，不過用牙籤撩佢出嚟嘅時候要小心唔好彈到對面/隔離個個本身侍應俾咗兩隻大碟我哋裝啲螺殼，食到咁上下都有主動幫我哋換過隻新嘅，可以繼續拆蟶子啦金銀蒜粉絲蒸蟶子好大隻好新鮮！！！上面鋪滿炸蒜，生蒜同埋蔥粒，好夠味，粉絲索哂蟶子嘅鮮味同豉油，好入味主角蟶子好新鮮，白雪雪啖啖肉，肉厚肥美，一人一隻都好夠食size係比出面食嘅蟶子皇仲大！king-sized食得好開心 (心心眼)個海苔炸豆腐望落去似係fusion菜，因為唔似中式嘢，有少少似日式燒丸子，大阪燒咁豆腐切成長方條形，方便夾口感偏硬身，有少少似蒸蛋同玉子豆腐，因為係淡黃色嘅，都

上個礼拜摸門钉到左發現東主有喜休息五天，今日放徦同妹妹决定再来。先來—份快靚正的話梅猪手，冰冰凉凉又带点話梅的酸甜味實在有趣，今次口感更勝上次。猪手食到軟熟而不流，烹煮工夫令人樹手指。之後又點咗冰川鮑魚，出奇地好食，唔腥有輕輕膠質囗感，伴碟的酱汁都好好味。例牌的炒蟹今次试咗香葉黑胡椒，那種香味及短暂的胡椒味辛辣實在回味，食完先記起未影相，補返張Menu 相。|

西環果然卧虎藏龍，令我回味無窮打正旗號辣蟹專家果然有料到，蒜味辣味可以滲入蟹肉，愈食愈辣愈惹味~辣子雞膝同樣惹味可口，是啤酒一流。酒煮凍螺尚可吧，我比較喜歡熱食。九層胡椒蝦味鮮爽口，但蝦太少，配料似主角。鮑魚係我至愛，冰川南非鮑淋度適中，肉厚可口，必食!滿足的一餐~美中不足係隔離檯成晚猜枚，好嘈

無訂位，行過見到都幾多人食，等左10分鐘，入到見到地方唔係好大，見到隔離幾枱都食緊蟹，啲避風塘蒜好香，搞到我都叫左隻，$380又唔貴喎，比我平時食平差唔多一半，但因為有少少喉龍痛食唔到避風塘，所以叫左隻九層塔胡椒蟹以毒攻毒 ，胡椒香，加上隻蟹實肉，正～都係清清地蒸既餸平衡下先，叫左蒸鮑魚，蟶子，鮑魚腍，蟶子鮮 ，整碗白飯連汁都撈埋，蔥燒龍躉球，龍躉都大蔥又幾夾喎，又係好餸飯，加上啖啖肉，唔使"LUN" 骨，岩晒豬手是麻辣，我就無食啦，但朋友食完encore 打包，所以我諗都幾好食既

平日收工經過都係满座，今日見有位咪入去试下，食物水準唔錯，價錢都係街坊價，可以下次再试其它。等阿爸同阿媽落來之際菜已上齊，真係Amazing. 冰川涷鮑魚好好食，又軟又鮮美，尤其那不起眼的酱汁。雞翼係過埸，大家都知味道，不再多講。蒸龍䠢加菇粒又豆腐底好鮮好正，但要留心吃太飽，因為我—個人食左半碟。蟹同菜基本水平啦，唔錯。

朋友相約到西環晚餐，讚這間小店食物質素很高，但地方有限，要一早訂枱。一行5人6:30p到達，用餐時限90分鐘。先來小食話梅醉豬手，豬手好爽，如酒味濃些更好味，是不錯的小食。蒜香凍螺，個汁甜甜地，蒜香不夠，螺肉爽。之後上金銀蒜蒸蟶子皇(5隻)，老闆話要熱食，蟶子好新鮮，火候蒸得啱啱好，加上蒜及粉絲，很正。酸甜生炒骨，生炒骨肉較乾，酸甜汁醒胃。豉汁蒸倉魚，$68一條很抵食，魚肉滑，豉汁味濃郁。蘋果玉桂牛仔粒，好香玉桂味，牛仔粒夠嫩，夠哂鑊氣。濃湯浸豆苗，豆苗清綠，濃湯好味精。最後上黑松露蛋白炒飯，這炒飯最失望，食落很油，飯較淋身，黑松露味不出。

一年後因過黎同朋友敘敘舊，朋友家住西環，因為我鍾意食蟹，所以又選了百味鮮，店鋪無咩變到，都算乾淨，希望食物依然能保持到水準~訂左位，所以唔使等位。啲嘢食黎到就顧住食，無影咁多相，但依然好味，另人回味的味道，同朋友敘敘舊，食餐好既，人生一樂也。蒜香凍螺，好入味，個汁好特別，食唔出係咩汁，有啲甜甜地，但又唔係exactly 甜，有陳醋既味道，連啲蒜頭我都食埋，一啲都唔辣好味 ，食個陣都見到好多枱有叫。蒜容西蘭花，買相幾好，蒜頭香而不苦，有鑊氣，西蘭花爽口，火喉控制得好好，因為我最怕食到啲炒到淋晒好似燴熟左既西蘭花登登登，主角登場啦，我既最愛，蟹~~~~ 呢個辣味年糕蟹真係無得頂，隻蟹好大隻，啲肉好實淨，尤其係隻蟹鉗，差唔多有我四隻手指咁大隻，職員話隻隻都咁大，大約斤四到斤六到，所以佢地係以隻計，上枱時熱辣辣的，味道唔算太辣，岩岩好，啲韓式年糕吸晒啲汁，長條型個隻，煙煙軔軔，好咬口，連啲配菜洋蔥唐芹都好入晒味，岩晒我口味。 另外仲叫左一個蔥燒龍躉球，龍躉係一片片，應該係魚腩部位，所以無骨，岩晒我地呢啲唔識"輪" 骨既人，加埋京蔥，好香，龍躉方面份量都算慷慨，以138 個價錢黎講都

同事聚會，一行10人，選擇想去左好耐嘅百味鮮！因為明知地方有限，所以一早訂枱，留定蟹/湯/同鮑魚，可惜現場老闆話鮑魚唔靚，所以轉食聖子皇。前菜主菜，加埋15個菜10個人食，都唔係過份啫😛前菜有：手拍青瓜-掛住食無影相。本來以為係辣，但係原來係酸酸地，好開胃。話梅醉凍豬手- 超好味！豬手好爽，話梅味同酒味剛剛好，如果唔係叫左好多野食，我會想叫多碟😆鹵手豬耳- 可能見識少，無諗過原來有蔥夾埋一齊係好好味。芥味雲耳- 又係見到個芥字就以為係芥辣朋友，原來錯哂，係好香，但係唔辣，開胃前菜一流！蒜香凍螺- 辣酒花螺食得多，lee個用蒜用酒做嘅前菜又幾好味！ 之後係上湯蟲草花螺肉燉雞湯 - 100分，係我全晚最愛✨湯夠清，無味精，10個人，早知留多個! 九層塔胡椒蝦 - 胡椒味好出，好味到連配菜都哂！😁避風塘炒蟹 - 絕對無選擇錯！好有風味，果然係皇牌！我地叫左少辣，我覺得岩岩好，唔會辣到你咩感覺都無。避風塘炒蟹二食 - 炒粉絲 - 真係好正！值得推介👍🏻👍🏻👍🏻👍🏻咖哩蟹 - 咖哩汁做得出色，伴白飯一絕！金銀蒜蒸聖子皇 - 老闆無講錯，真係好新鮮！海鮮都係食新鮮嘅重要！青芥牛立方 - 今次真係芥

有朋自遠方來，喜歡海鮮也喜歡辣；只可見面食一餐飯，如何兩全其美？辣蟹！餐廳只在晚上營業至凌晨2時，星期一休息（西環很多餐廳星期一休息）。假期前夕，餐廳爆滿，地方不大，建議平日也預早訂位；這裡有90分鐘進食時限，其實也很足夠。來到辣蟹專門店，怎能錯過蟹。體積不太大，但肉厚、實淨，新鮮；加上避風塘料炒之，惹味。坊間鹹蛋黃金蝦身都不太大隻，蝦也不夠鮮味；這個黃金蝦身有成人手掌那麼大，鹹蛋黃下得也算慷慨，好食。豬膶枸杞的豬膶厚身，菜也鮮嫰。前菜涼拌青瓜番茄皮蛋，三樣風馬牛不相及材料混合加上陳醋不只沒有突兀感；還頗美味。比較敗筆就是蒸魚。上卓時我已預測到這尾魚肉稍硬、冇鮮味。我不太吃魚，我這2個魚痴朋友也對這魚不多動筷，我的預測應該很準確。這頓飯連$150開瓶費、免加一，有齊魚、蝦、蟹，七百多元，可以了！

新年前食過一次, 真係好食, 心思思新年後約埋朋友食多次 因為都知道呢間嘢多人食, 訂左枱, 黎到等左5分鐘就可以入坐上次無, MENU 上都無呢個, 店員有禮貌話唔係成日有, 有時有蟶子, 有時扇貝叫我地試下鮑魚, 本來諗住返食蟶子, 意外食到呢個有驚喜, 好淋, 一咬就咬到, 個汁好特別, 但講唔出個味道, 涼涼地, 做前菜都GOOD 湯清足料, 無味精, 我地連D雞肉都好淋, 尤其D雞腳, 點豉油食埋上次食避風塘, 今次試下九層胡椒蟹真係好鬼香, 唔比避風塘差, 胡椒味加埋配菜好惹味, 隻蟹好大隻,夠新鮮, 正最後叫埋個飯, 一上枱就聞到好香, 睇落好似好簡單, 食落一D都唔簡單飯唔會炒到一舊舊, 食完會再想食, 下次會encore

偶然上Openrice發現咗呢間食肆，平均評分有成4.5分咁高，仲係個個食完都 ，即刻想去試。又咁啱港鐵香港大學站最近啟用，更加方便，B2出口步行約兩分鐘就到。當日係星期日，前一日打電話book咗六點半。一家三口去到嗰陣全個店鋪除咗我哋張枱就已經坐滿人。鋪頭都幾細，全店只有廿零個坐位，枱與枱之間嘅空間亦有限，而每枱客人數目亦唔會多過四個人。因為上Openrice做咗工課，所以大致上都知嗌乜，不過都要參考下個餐牌。最後點咗以下五樣嘢。金銀蒜蒸蟶子皇 蟶子以每隻計$38，一隻差不多有六寸長。一貫蒸法，除咗金銀蒜外，蟶子面頭仲放咗粉絲。火候蒸得啱啱好，蟶子肉爽而不韌，味道極之鮮甜。除咗個殼，蟶子同面頭嘅配料都畀我哋食清光 。藥膳米酒雞 個餸餐牌冇放，Openrice啲食家都係咁講，通常係由店員推介，於是就即管問下。店員好認真，即刻入廚房問，好快出番嚟話有。個湯都幾特別，除咗有好香嘅酒味（但唔算濃），啲雞真係好滑，湯味勁濃，藥材味就唔算重，相信小朋友都會鍾意。不過怕油嘅朋友就可能覺得個湯油咗少少。避風塘炒蟹（小辣） 身為蟹痴，睇見啲食家喺Openrice對呢個菜式嘅評價咁高，又話隻蟹

開左好耐我都唔係好知, 可能因為鋪面唔係好光猛, 遲來的發現未必唔好既~同幾個朋友聚會, 想食海鮮就試試~掛住食, 啲相唔係影得好靚~米酒雞, MENU 唔見有, 係個店員介紹既, 食落又幾好喎, 啲雞件好滑, 最鍾意係佢個酒香~呢個避風塘係我地最鍾意既, 上枱時, 勁香, 隻蟹鉗勁大隻, 又爆肉, 正到爆~上枱時仲係滋滋聲, 勁熱, 加埋啲胡椒味, 好香呀, 仲有幾隻蝦係有膏, 值得推介啲扇貝好大隻, 因為我好鍾意食粉絲, 所以嫌啲粉絲少左啲, 可以多返少少水煮魚見到好似辣咁, 但食起上黎又唔係好辣喎, 可能我地要左少辣掛, 呢間係用桂魚, 又幾夾喎, 仲好滑

今日同朋友提前做冬, 揀左間西環呢間試下，有意外驚喜蒜蓉粉絲蒸蟶子皇，啲蒜蓉好香，蟶子唔會過火，爽口，正藥膳米酒雞，呢個真係好正，個湯勁好飲，啲雞又唔會鞋口，仲有啲酒香，食完諗住下次再食呢個但阿老闆話呢個唔係成日有，因為師傅要自已浸啲酒，食既人快過佢浸，所以唔係成日有今日有我最愛食既豆苗，但又見少食炒西洋菜，所以就試下，效果唔錯，唔會太多水同埋無渣，但由於其他嘢比佢更好味，所以就比下去了今日既主角，避風炒蟹，嘩...!!! 呢個真係不可不試，啲炸蒜香到呢，啲朋友直頭"北" 黎食..隻蟹好大隻，勁多肉.好在我叫班友仔唔好食晒啲炸蒜，先有得留返黎二食炒新竹米~ 必食! 但問過啦，無得就咁叫，一定要食蟹先有得食 凍螺個汁好特別，好食，作為小食真係唔錯總括:物有所值，好飽好滿足~