Flagship

营业中

休息中

🌸千层脆窝夫油封鸭脾，大大只油封鸭脾，一上枱就已经闻到充满鸭香味！外皮煎得好香脆，鸭肉肉质软嫩！可以配埋半熟蛋嘅蛋汁一齐食！肉质更加嫩滑，又唔会太油腻！仲有唔同嘅配菜芦笋、杂菌，同埋酥脆嘅千层脆窝夫🌸冬荫功大虾意粉，冬荫功味道唔会太辣，意粉烟靭又弹牙，口感十足，仲挂满汁，食落口有好浓郁嘅冬荫功风味！两只大虾都好训新鲜，肉质好弹牙🌸香煎章鱼须，大大条章鱼须够哂粗身，食落口好鲜甜，香口软嫩，一啲都唔靭！配埋特调嘅沙律汁同埋新鲜嘅羽衣甘蓝，好清新！餐厅舒适，装修采用白色、木为主调，充满文青气息!夜晚同朋友一齐黎chill下倾下计食饭都好适合呢！